Biografia: Patxi Lopez, Jaurlaritzako lehen lehendakari sozialista
Patxi Lopez Portugaleten (Bizkaia) jaio zen 1959an. Musika, argazkilaritza, teknologia berriak eta Athletic oso gogoko dituela dio Lopezek. Gaztetik, politika gaietan murgilduta egon da, izan ere, Eduardo Lopez Albizu 'Lalo' sozialista du aita. 16 urte zituela, Euskadiko Gazte Sozialisteetako kide bihurtu zen eta, bi urte beranduago, PSEko afiliatua. Begoña Gil kide sozialistarekin ezkonduta dago.
Eusko Jaurlaritzako lehen lehendakari sozialista da. 2009. urtean lehendakaritzara heldu zen, PPren babesari esker (azken hauteskunde autonomikoetan bigarren indarra izan arren). 2012an hauteskunde autonomikoak aurreratu ondoren, "gure konpromisoak bete ditugu" azpimarratu zuen. Balantzea egiteko garaian, ez du zalantzarik izan: "Euskadin terrorismoari amaiera eman diogula esan dezaket".
Lopezen agintepean, sozialistek historiako emaitzarik onenak lortu dituzte: 2008ko hauteskunde orokorretan garaipen handia lortu zuten eta 2009an lehendakaritzara iritsi ziren EAJ baztertzeko PPrekin egindako itunari esker.
Hala ere, ordutik hona PSE-EE alderdien hirugarren postura jaitsi da Euskadiko haustekunde-mapan. Gauzak horrela, gaur egun inoiz izandako botere maila txikiena du, zortzi udaletan ezbaitu agintzen.
Datozen hauteskunde orokorretan sozialisten hautagaitza gidatzeko primarioetan parte har dezakeela esan da hainbat komunikabideetan. Alderdiaren azken Kongresuak Harreman Politikoen arduradun izendatu zuen, eta ardura horrek Rubalcabaren ondora eraman du Lopez. 2013ko otsailean PSE-EEko idazkari nagusi hautatu dute berriro alderdiaren VII. Kongresuan.
Patxi Lopez Athletic eta Portugalete futbol taldeetako bazkidea da, baina bere kirol gustukoena saskibaloia da, eta sarri joaten da Bilbao Basketen partidak ikustera.
Zaletasunak
Beste afizioetako bat Ezkerraldeko industria-paisaiaren argazkiak ateratzea da, bera bertan jaioa delako. Musikazaletasun handia ere badu. Bere blogean azaltzen duenez, Jacques Brel eta Massive Attack bezalako estilo ezberdinak gustatzen zaizkio. Lopezek 8.000 diska baino gehiago ditu etxean eta kitarra elektrikoa jotzen ikastea gustatuko litzaiokeela onartu du behin baino gehiagotan.
Bere burua Coscojaleseko euskal herritartzat du Patxi Lopezek (Coscojales Portugaleteko alde zaharreko kalea da, zubi esekitik gertu dagoena), eta, bitxikeri gisa, "Berriztasuna" euskal dantza taldeko kide izan zan 15 urtez. Orduan sortu zitzaion, bere hitzetan, "euskal dantza eta folklorearenganako maitasuna".
Lopez 2013ko otsailean egindako kongresuan hautatu zuten berriro idazkari nagusi.
Agurra, 12 urteren ostean
Europako hauteskundeetan izandako emaitza txarren ondorioz, kargua utziko duela iragarri du orain. PSE-EEk irailean egingo du kongresua idazkari nagusi berria aukeratzeko, Lopezek hautagai izango ez dela konfirmatu ostean. Patxi Lopezek 12 urte eman ditu PSE-EEko idazkari nagusi lanetan.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.