Bake eta bizikidetza lantaldearen sorrera onartu du Legebiltzarrak
Bake eta bizikidetza lantaldea sortzea erabaki du gaur Eusko Legebiltzarrak, EAJren eta PSE-EEren aldeko botoei eta EH Bilduren abstentzioari esker.
EH Bilduri "autokritika" ez egitea egotzi diote Legebiltzarreko talde guztiek. Hala ere, gai horren inguruan dagoen zatiketa argi ikusi da gaurko eztabaidan, PPk eta UPyDk aurkako botoa eman baitute.
Aurreko legealdian gertatu zen moduan, polemika piztu da lantaldea martxan jartzeko lanaren inguruan. Legebiltzar berrian organoa "berpiztea" eskatu zuen PSE-EEk, baina bozketa zenbait aste atzeratzea erabaki zuen, alderdiekin adostasuna bilatzeko.
Aurreko legealdian egindako lana aintzat ez hartzea eta "zerotik" hastea nahi du EH Bilduk.
Eztabaida
Aurreko legealdian lantalde horrek egindako lana gogora ekarri du Jose Antonio Pastor PSE-EEko legebiltzarkideak. EH Bildu "apaltasunez" lanean hasi beharko litzatekeela uste du Pastorrek, "Euskadiko historia ez dela eurekin hasi onartuz".
Iñigo Iturrate jeltzalearen aburuz, aurreko lantaldean adostutakoak "denontzat balio du", "oinarrizko printzipioak" baitira. Giza eskubideak eta oinarri etikoak "ezin dira gehiengo baten menpe egon", gaineratu du. "Oinarrizko printzipio horiek onartzeko, zer oztopo egon daiteke?", galdetu du.
Laura Mintegi EH Bilduko legebiltzarkidearen iritziz, "lotsagarria" da bakearen aldeko aldarrikapena "eraso batekin hastea", eta gainerako taldeei "alboratzeko jokoa" egitea egotzi die. "Horren helburua gizarteari azaldu beharko diozue", gaineratu du.
Carmelo Barrio PPko ordezkariak lantaldearen aurkako jarrera azaldu du. Horren hitzetan, baldintza eta helburu minimoak ezarri behar dira, eta gutxieneko horiek ez eskatzea leporatu die EAJri eta PSE-EEri. "EH Bilduk ez ditu oraindik terrorismoa eta ETAren atentatuak gaitzetsi", nabarmendu du.
Gorka Maneiro UPyDko legebiltzarkidearen ustez, lantaldea "bakea" lortzeko sortu dela esatea gizarteari "iruzur" egitea da. "Gerrarik ez dago, eta elkarbizitza indarrean ditugun Konstituzioa eta Zuzenbide Estatua errespetatzea da".
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.