Arraiz: 'Gure ezaugarria barne demokrazia eta gardentasuna izango da'
Sortuk, ezker abertzalearen talde politiko berriak, "ezker abertzalearen aldaketa estrategikoa burutzeko bitartekaria" izango dela azaldu du Hasier Arraiz alderdiaren bozeramaileak.
Radio Euskadiko elkarrizketa batean, "beste era batera funtzionatu" nahi dutela esan du. "Ezker abertzalea sektore politiko iluntzat hartu izan da eta gardentasunaren unea dela uste dugu".
Funtzionatzeko era "horizontalagoa" izango dutela esan du Arraizek. "Gure ekintza politikoa ez da soilik hauteskundeekin lotuta egongo". Ildo honetan, "herritarrak izango dira gure aliatu nagusiak; herri mugimendua", nabarmendu du.
"Eta burujabetzaren eta ezkerreko gune horretan asko gaude, besteak beste, sindikatuak, erakundek eta noski, gure bidai lagunak, EA, Aralar, Alternatiba eta Abertzaleen Batasuna".
"Herri gisa zapaltzen gaituztenei aurre egiteko herri mugimendu bat sortzea nahi dugu, baita kapitalismoari aurre egiteko ere. Euskal Herria aitortzeko eta herritarren nahia errespetatzeko", ondorioztatu du.
Legebiltzarrean "erabakitzeko eskubidearen inguruan eztabaidatzeko" baldintzak ematen direla uste du. Eta erakundeen Gobernurako lana herri mugimenduarekin batera egin behar dela uste du.
Bestalde, beste alderdiekin harremanak normalizatzea espero du, horien artean, Sorturen kongresuan egon zen EAJrekin, eta baita PSE-EErekin ere, "gurekin harremanak izateko asmoa helarazi digute jada".
"Harremanen normalizazioak behin betiko bakera lagundu behar du eta Sortuk hori erraztu behar du", Arraizen iritziz.
Sorturentzat "lehentasuna euskal preso politikoen egoerari erantzuna ematea da, eta bestetik, eta aldi berean, biktima guztien onarpenean lan egiten jarraitu behar da", ondorioztatu du.
Azkenik, Sorturen presidenteak "amnistia globala" espero du, "irtenbide global" gisa, baina "ziurrenik, mailakatutako prozesu batean gauzatuko da".
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".