EiTB zuzentzeko beste hautagaitza bat aurkeztuko du Jaurlaritzak
Josu Erkoreka Eusko Jaurlaritzako bozeramaileak Mikel Agirreren erabakia (EiTBko zuzendari nagusia izateari uko egin dio) "errespetuz" hartu duela adierazi du. Datozen egunetan, beste hautagaitza bat aurkeztuko du Jaurlaritzak, bozeramailearen hitzetan. "Hautagaitza berri horrekin, adostasun maila handia lortzea espero dugu", gaineratu du.
Gaur, Mikel Agirrek "arrazoi pribatuak" tarteko EiTBko zuzendari nagusi berria izateko hautagaitza erretiratu duela adierazi die Hezkuntza, Hizkuntza Politika eta Kultura sailburuari eta alderdi politikoei.
Ohar batean, eragile sozialei eta hedabideei "esker ona" adierazi die, haiengandik jasotako "errespetu eta begiruneagatik". Era berean, erabakia "errespetuz" hartzea eskatu du Mikel Agirrek ohar horretan.
Erkorekak adierazi duenez, Mikel Agirreren erabakia "pertsonala" izan da, eta Jaurlaritzak "errespetuz" hartu du.
Eusko Legebiltzarrak ostegunean aukeratu behar zuen EiTBko zuzendari nagusi berria. EAJk eta PSEk lortutako akordioari esker, Mikel Agirreren hautagaitzak boto nahikoak jaso behar zituen egun horretako osoko bilkuran.
"Adostasuna, pluraltasuna eta EiTBren eredu publikoaren errespetua" oinarritzat hartuz EiTB zuzentzeko proposamen berri bat aurkezteko eskatu diete sozialistek Jaurlaritzari.
Erreakzioak
Laura Mintegi EH Bilduko bozeramaileak esan duenez, Agirrek EiTB zuzentzeari uko egitea euskal irrati telebistak aurrekontuetan jasoko dituen murrizketek "bultzatu" dute. Horren ustez, % 12 eta % 20 arteko murrizketak izatea aurreikusita dago.
Mintegik azaldu duenez, Agirrekin izan zuen bileran, hark esan zuen Eusko Jaurlaritzak EiTBko aurrekontuak % 12 eta % 20 artean murrizteko asmoa zuela.
Dirudienez, Agirrek adierazi duen arlo batzuetan gastua murriztea oso zaila izango zela, aldiz, beste batzuetan % 40ko murrizketak egin ahal izango zirela uste zuen.
Ohar batean, PSE-EEk esan du EiTBko langileek eta herritarrek "Jaurlaritzak proposatutako egitasmoaren nondik norakoak eta zuzendaritzan nor egongo diren" jakin behar dutela. "Erantzuna ez da luzatu behar", gaineratu dute.
Basagoitiren ustez, EiTB zuzentzeko, "zorroztasuna" eta "neurritasuna" beharko dira dira. Mikel Agirreren egitasmoak "ganorazkoa eta zorrotza" ematen zuela gaineratu du.
Bestalde, Antonio Basagoiti EAEko PPko presidenteak Agirreren erabakiaren ingurukoak eta EAJren proposamen berria ezagutu arte itxarongo du, gai horren inguruan iritzia eman aurretik.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.