EiTBn enplegu publikoari 'eutsiko' diotela bermatu du Urkulluk
EiTBren ''bideragarritasuna'' eta Euskal Irrati Telebistako enplegu publikoa bermatu ditu asteazken honetan Iñigo Urkullu lehendakariak.
Murrizketak egongo direla aurreratu du, baina murrizketok ez diote enplegu publikoari eragingo, Urkulluren hitzetan.
''Enplegu publikoa ez da desagertuko da. EiTBri dagokion enplegu publikoa mantendu egingo dela bermatzen dut. Euskal Irrati Telebistarekin ez da beste telebista autonomiko batzuekin edo Espainiako telebista publikoarekin gertatu dena gertatuko'', esan du lehendakariak.
Halaber, errespetua agertu du Mikel Agirrek EiTBko zuzendari izateko hautagaitzari uko egitean hartutako erabakiaren aurrean.
Lehendakariak agerraldia egin du kazetarien aurrean, asteazken honetan, erakundeetako, alderdietako, sindikatuetako, patronaleko eta banku-erakundeetako ordezkariekin bilera-sorta izan ostean, Euskadiko egoera politiko eta ekonomikoa aztertzeko.
Kazetariek galdetuta, Mikel Agirrek EiTBko zuzendari izateko hautagaitzari uko egiteko hartutako erabakiaz aritu da lehendakaria, eta ''arrazoi pertsonaletan oinarritutako erabakia bat'' errespetatzea beste aukerarik ez dagoela esan du.
Hautagai berri bat ''ahalik eta arinen'' bilatzeko konpromisoa agertu du, eta EAJk eta PSE-EEk adostutako profilarekin bat egingo duela esan du.
EiTBn murrizketa zorrotza egin beharra Agirreren erabakiaren arrazoia izateaz EH Bilduk egindako adierazpenen inguruan galdetuta, Urkulluk esan du ''agerikoa'' dela agertoki honetan ''murrizketak arlo guztietan''egin behar direla, eta murrizketa horiek EITBri ere eragingo diotela.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.