EPPK-k hausnarketa egingo du, Foro Sozialaren gomendioen harira
Euskal Preso Politikoen Kolektiboak (EPPK) hausnarketa prozesu bat abiatuko du, Foro Sozialak mahai gainean jarritako gomendioak aztertzeko. Kolektiboaren arabera, modu orokorrean aztertuko dituzte, eta ez banan-banan, "gatazkaren konponbideak integrala behar du izan eta". Halaber, konpromisoak ez betetzea egotzi die Frantziako eta Espainiako gobernuei.
Foroetan parte hartzeko, EPPK-ko bitartekariek Frantziari eta Espainiari egin zizkien eskariei erantzun ez izana salatu dute, gaur Bilbon.
Espainiako eta Frantziako gobernuei, gatazka politikoaren konponbide prozesua blokeatzea leporatzen diete. EPPK-ren esanetan, Espainiako Gobernuak ez ditu hartutako konpromisoak bete, eta Frantziakoak Espainiarekin bat egin du.
"Ez Espainiak eta ezta Frantziak ere, ez dute bere egin Aieteko bide orria, eta horrek argi erakusten du zabaldu daitekeen bide demokratikoaren beldur direla", azaldu dute. EPPK-ren arabera, presoei baldintza onartezinak ezarrita, horien kaleratzeak oztopatu nahi dituzte Gobernuek.
Salatu dutenez, Espainiako eta Frantziako Gobernuak denbora irabazi nahian dabiltza. "Kartzela politikan aldaketarik ez egiteak zatiketa ekar dezakeela uste dute", adierazi dute.
Euskal Preso Politikoen Koletiboaren iritziz, mugarri berri bat izan daitezke Foro Sozialak mahai gainean jarritako hamabi gomendioak. Normaltasunez hausnarketa bat egiteko arazoak eta zailtasunak dituztela nabarmendu dute. "Hala ere, gure esku dagoen guztia egingo dugu euskal preso politiko bakoitzak Foro Sozialaren gomendioak bere esku izan ditzan", adierazi dute.
Etorkizunean izango diren ekimen guztietan parte hartzeko nahia nabarmendu du Euskal Preso Politikoen Kolektiboak.
Bestalde, sakabanaketa politikarekin amaitzea eskatu dute.
Zure interesekoa izan daiteke
Carlos Garaikoetxea hil da, frankismoaren ondorengo lehen lehendakaria
Politikari nafarra, Eusko Alkartasunaren sortzailea, 87 urterekin zendu da bihotzeko baten ondorioz.
Borja Semper PPren batzorde nazionalera itzuli da, minbizia gainditu ondoren
Semper politikaren lehen lerrora itzuli da, hamar hilabeteko etenaldiaren ostean.
Ekain Rico (PSE): "EAJk ke-pantailak sortu ditu; bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" eta "gehiegizko antzezpenaz" hitz egin du jeltzaleen jarrera kritikatzeko orduan.
Koldorekin "lotura berezia" zuela onartu du Abalosek eta Aldama ezagutzeari garrantzia kendu dio
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
