Ehunka pertsonak Nabarrerian jarraitzen dute Luis Goñi babesten
23:54 Gaueko hambiak jotzear, ez da atxiloketarik egon
23:33 Lozakuak eta burusiak jendartean gaua igarotzeko
23:09 Moketa bat jarri dute lurrean, gau hotz baten aurrean babesteko
22:55 Bapatean, Goñiren inguruan eseri egin dira bertan dauden danak
22:53 Antza denez, Polizia mugimenduak egiten hasi da
22:30 Nabarreria plazan gaua igarotzeko prestatzen hasi dira
22:15 Jai giroa nagusi da plazan, musika ikuskizun eta dantzekin
21:30 Etengabe ari dira Goñiri babesa adierazten
20:55 Zerbait jateko eta edateko aprobetxatzen ari dira asko
20:15 Goñik lagunek eta ezagunek inguratuta jarraitzen du
20:00 Bost ordu t'erdi daramatzate 'herri harresia' eraiki dutenetik
Ordu asko
"Ordu asko daramatzagu hemen eta ordu asko egotea da asmoa", esan du Luis Goñi Segiko kide izateagatik sei urtera zigortutako gazteak, Iruñeako Navarreria plazan, hedabideen aurrean 18:30ak aldera egindako agerraldian.
Goñi indarkeriarik gabeko desobedientzaren aldeko manifestazioaren ostean azaldu da plazan, iragarri zuen bezala. Goiz osoan zehar Poliziak hiriburu nafarreko Alde Zaharra hartuta izan, eta inguruan jarraitzen du.
Goñi ehunka pertsonak osatutako 'herri harresiak' inguratuta eta babestuta dago, 14:30etik. Poliziez lepo bada ere, momentuz ez dira plazara gerturatu Goñi atxilotzera.
Geroztik, ezker abertzaleko, Aralarreko eta EAko zenbait ordezkari politiko gerturatu dira plazara, baita ehunka hiritar ere bai, horietako asko mugimendua nabarmentzen duen arropa laranjaz jantzita. Arratsalde osoan, jai giroa izan da nagusi plazan.
Besteak beste, Sabino Cuadra Amaiurreko diputatua, Maiorga Ramirez EAko alderdikidea eta Txelui Moreno Nafarroako ezker abertzaleko kideak izan dira Nabarrerian.
Goñik hainbat ordutan jasotako babesa eskertu du, eta "hemen ordu asko egotea da asmoa", gaineratu du "ehunka lagunen maitasunak eta elkartasunak" babestuta sentitzen dela adierazi ostean.
Gainera, mezu bat zuzendu nahi izan dio Carmen Alba Espainiako Gobernuak Nafarroan duen ordezkariari: 'Ez da herri honen aldarria, elkartasuna eta konpromezua oztopatu dezakeenik. Horren seinale da hemen jarraitzen dudala".
Gauzak horrela, eta nahiz eta Albak ziurtatu zuen Goñi atxilotuko zutela agertu bezain laster, bere inguruan eraikitako 'herri harresiak' eragotzi du atxilo eramatea. "Eskerrak eman nahi dugu Txapo eta biok hainbeste lagunek babestu" dituztelako.
Momentuz, nahiz eta goizeko manifestazioa poliziez josita egon eta Carmen Albak abisua eman, Estatuko segurtasun indarrak ez dira plazan sartu, baina Iruñeako Alde Zaharrerako sarbideak zaintzen ari dira.
Orain bi hilabete ihes egin zuen Goñik, Audientzia Nazionalak bere aurka sei urteko espetxe zigorra agindu ostean. "Herri-harresia" mugimendutik azpimarratu dute bide politikoen alde lanean jarraituko dutela eta atxiloketak ekiditeko pertsonen harresiak goratuko dituztela behar den toki guztietan.
Manifestazio jendetsua
"Herri-harresia" mugimenduak deituta, zapi laranjak lepoan, Desobedientziaz libre bizi dioen pankartaren atzean manifestazio jendetsua burutu da goizean Iruñeko karriketan barrena. Tartean aurpegi ezagunak, Sortuko Txelui Moreno eta Aralarreko Patxi Zabaleta, besteak beste.
"Gure ardatza desobedientzian dago. Guk ez ditugu injustoak diren legeak obedituko. Hori dela eta, Luis, gure laguna babesteko herri-harresia eraikiko dugu" adierazi du Begoña Zabalak, "Herri-harresiaren" deitzaileen izenean.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.