'Neurria emateko' eskatu diete ETAko biktimek epaileei
Europako Giza Eskubideen Auzitegiak emandako epaia aplikatzeko garaian "neurria emateko" eskatu diete terrorismoaren biktimek epaileei; izan ere, "espainiarrek ez dute preso ugari espetxetik ateratzen ikusi nahi, ez dute argazki hori ikusi nahi".
Justizia eta Barne ministroekin bildu ostean, Estrasburgoko Auzitegiaren epaia "astakeria" juridiko eta politikoa dela adierazi du Mari Mar Blanco Terrorismoaren Biktimen Fundazioko presidenteak.
Angeles Pedraza Terrorismoaren Biktimen Elkarteko (AVT) presidenteak eta Blancok agerraldia egin dute Barne Ministerioko egoitzan. Europako Auzitegiaren erabakiaren aplikazioa kasuz kasu aztertzeko eskatu dio Blancok Gobernuari. Edonola ere, horren esanetan, ez da epai orokorra; izan ere, "preso bati bakarrik eragiten dio".
Epaia Jose Luis Rodriguez Zapateroren Gobernuak abian jarritako "bake prozesuaren kostua da", Pedrazaren ustez. Doktrina bertan behera uzteko Luis Lopez Guerra (Justiziako estatu-idazkaria 2004 eta 2007 artean) magistratuaren papera erabakigarria izan dela salatu du Pedrazak.
"Parot doktrinaren indargabetzea bidaia orrian argi zegoen", salatu du AVTko presidenteak. Erresuma Batuak batzuetan egin bezala, Europako Giza Eskubideen Auzitegiaren epaia ez obeditzeko eskatu dio Pedrazak Gobernuari.
"Zentzugabekeria eta hondamena"
"Giza eskubideak gehien urratu dituztenek Estrasburgoren babesa jasotzea ez dute onartzen biktimek", bi ordezkari horien esanetan. Erabakia "zentzugabekeria politiko, juridiko eta etikoa da, eta hondamena" biktimentzat, gaineratu dute.
Presoei seguruenik egingo dizkieten "ongietorri heroiko" guztien aurrean adi egongo direla ohartarazi dute Blancok eta Pedrazak, terrorismoa goratu eta biktimak umiliatu ez ditzaten.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.