Beste bi presoren kaleratzea aztertuko du gaur Auzitegi Nazionalak
Juan Manuel Piriz eta Josefa Mercedes Ernaga ETAko presoak aske utzi edo ez aztertuko du gaur goizean Auzitegi Nazionaleko Zigor Aretoak. Halaber, Estrasburgok, asteon, 'Parot doktrina' indargabetzea erabaki ondotik, 49 presok jarritako kaleratze eskariak ere mahai gainean izango dituzte aztergai magistratuek: kasu horietako bakoitza banan bana aztertu edo denak batera, blokean, aztertuko dute. Bi gai horiek eskuartean, 09:15ean ekingo diote lanari Zigor Aretoko 17 magistratuek, Fernando Grande-Marlasca buru dutela.
Asteartean Estrasburgok bere ebazpenaren berri eman aurretik, jada, Piriz eta Ernagaren kasuen errebisioa gaurko gai ordenan jasota zuen Auzitegi Nazionalak. Hain zuzen, bi presoon espetxe aringarriak aztertuko dituzte, eta horren araberako erabakia hartuko dute. Hipercorren kontrako atentatuagatik dago zigortuta Ernaga. Pirizi, berriz, ETAko kide ohi bat hiltzea egotzi zioten.
Ernagari dagokionez, 2014ko abendu arteko zigorra du ezarrita. 'Parot doktrina' ezarriz gero, 2017rarte egon beharko luke kartzelan. Pirizek berriz, 2009tik libre beharko luke, baina 'Parot doktrina' ezarri zioten eta 2014ko otsailera arte luzatu espetxe zigorra.
Deliberazio horiez gain, beste 49 presoren kaleratze eskariak nola tramitatu aztertuko dute: hau da, eskari horietako bakoitza banan bana aztertu ala denak batera aztertuko dituzten erabaki beharko dute gaurko bileran. Presoen defentsek Estrasburgok aste honetan kaleratu duen sententzia gehitu diote euren helegiteei. Hori aintzat hartuko balitz, kasu ia guztietan presoek aske geratu beharko lukete.
Ines del Rio aske geratu berri den presoaren abokatuek aste honetan bertan jakinarazi dutenez, 'Parot doktrina' ezarri zaien 56 presoen kaleratzea eskatuko dute.
Auzitegi Nazionaleko Fiskaltzak, dagoeneko, iragarri du presoen kaleratzeak ez direla "sistematikoak" izango eta "banan bana" aztertuko dutela kasu bakoitza, zenbait kasutan "portaera okerragatik txostenak zabalduta" daudelako eta preso horiei "aringarriak kentzea" posible delako.
Zure interesekoa izan daiteke
Gazako "genozidioaren" arduradunek kontuak emango dituztela esan dio Sanchezek Abbasi
Palestinako Aginte Nazionaleko presidenteak Espainia bisitatu du bigarren aldiz, Gobernuak Estatu gisa onartu ondoren.
Abalosek Kongresuko eskubideak galdu ditu eta ezin izango du kartzelatik bozkatu
Ministro ohi sozialistak ez du Gorteetatik ordainsari ekonomikorik jasoko.
Iriartek eta Echevestek ika-mika gogorra izan dute, Gipuzkoako aurrekontuak direla eta
Gipuzkoako Batzar Nagusietan EH Bilduk aurrekontuei aurkeztutako osoko zuzenketa atzera bota dute taldeek. Gaurko eztabaidan, Maddalen Iriarte EH Bilduko ordezkariak gogor kritikatu du Elkarrekin Podemosek EAJ eta PSE-EE alderdiekin itxitako akordioa, 2026ko kontuak babesteko. Miren Echevestek alderdi moreko eledunak, bere aldetik, koalizio subiranistak Madrilen eta Gipuzkoan jarrera ezberdinak dituela salatu du.
Pradalesen ustez, EH Bilduk "irmoki gaitzetsi" behar ditu Ernairen sabotajeak
Imanol Pradales lehendakariaren iritziz, "EH Bilduk ezin ditu eskuak garbitu" Ernaik, Sorturen gazte erakundeak, aldarrikatutako sabotajeei eta erasoei dagokienez. "Onartezina da Ernaik, Sorturen gazte erakundeak, alderdi baten egoitza baten aurkako erasoa publikoki aldarrikatzeko aukera ematea, eta alderdi horren zuzendaritzaren gaitzespenik ez izatea", hori baita, aldi berean, EH Bilduren "muina".
Jose Tomek dimisioa eman du Lugoko Diputazioko presidente gisa sexu-jazarpeneko salaketen ostean, baina alkate jarraituko du
Sozialistak ukatu egin ditu akusazioak, eta aurreratu du "ekintza judizialak" hasiko dituela, eta "alderdiarekiko maitasunagatik" eta "bere defentsa erraztu" ahal izateko utzi duela kargua.
Guardia Zibilak Leire Diez PSOEko militante ohia atxilotu du, kontratazio publikoetan izandako ustezko irregulartasunengatik
Diez ustezko influentzia-trafiko eta eroskeria delituengatik ikertu gisa agertzen da Madrilgo Instrukzioko 9 zenbakiko Epaitegiko titularrak zuzentzen duen auzi batean.
EAJk kezka handiz hartu du Euskadiko Auzitegi Nagusiak enplegu publikoaren legeaz Auzitegi Kostituzionalean kontsulta egitea
Maitane Ipiñazar EBBren idazkariak Euskadi Irratian esan du euskararen normalizazio legea bera ere zalantzan jartzen duela erabakiak.
Pradalesek 2025ean Estatutua betetzeko eskatu dio Sanchezi, eta ohartarazi du ez diotela "guztiari baietz esango"
"Dezibelioak igoko" ez dituztela eta "haserrearen espirala" elikatuko ez dutela adierazi ostean, lehendakariak zehaztu du urtarrilean Sanchezen Gobernuaren "benetako konpromiso politikoa" neurtuko dutela eta "aldebiko ebaluazioaren" unea iritsiko dela. "Gernikako Estatutua bere osotasunean betetzea ez da kapritxo bat. Betebehar bat da", gaineratu du Imanol Pradalesek.
Zupiriaren arabera, "agerikoa da" ezker abertzalearen espazioa "nola eratzen den" aztertzeko eztabaida politikoa dagoela
Alde batetik, sailburuaren arabera, "alderdi zibikoagoa" dago, EH Bilduk "Euskadi gobernatu nahi duen koalizio gisa" ordezkatzen duena, baina mundu horren barruan "Sortu eta Ernai ere badaude, jarduera politikoa eta herri mobilizazioa uztartu nahi dituztenak", eta "hori zilegi da, baina kontua da indarkeria erabiltzea justifikatzen den ala ez". "Dena batera ezin da", azpimarratu du.
Teresa Peramato Estatuko fiskal nagusi izendatu dute, Alvaro Garcia Ortizen ordez
Espainiako Aldizkari Ofizialak Garcia Ortizen kargugabetzea eta Peramatoren izendapena argitaratu ditu. Botere Judizialaren Kontseilu Nagusiaren babesa jaso eta Diputatuen Kongresuko Justizia Batzordearen agertu ondotik, Ministroen Kontseiluak Estatuko fiskal nagusi izendatu zuen atzo.