Rosa Diezek, Kataluniari buruz: 'Ez dugu inoren xantaia onartuko'
Rosa Diez UPyDren presidenteak esan duenez, ez dute inork Espainiari "xantaia egitea" onartuko, Katalunia zeharka aipatuta, ezta bere alderdiari ere, Asturiasen PSOErekin zuen legealdi-ituna hautsi dutelako.
Ez da "barne harrotasunagatik", azpimarratu du Rosa Diezek, berton zeuden ordezkarien txalo artean, baizik eta garrantzitsuagoa den zerbaitengatik; UPyDk errespetu falta onartuz gero, "bozkatzen gaituzten hiritarrenganako errespetu falta litzateke".
"Nazio espainiarraren batasuna eta subiranotasun nazionala defendatzen dugu", gaineratu du. Halaber, Diezen esanetan, UPyDk ez du onartuko "inork" eskubide hori kentzea; "hauek dira guri bi banderak", esan du Espainiako bandera eta Europakoa atzean zituela, eta "beste guztiek lekua dute horien barruan".
UPyDk sortu zenetik egin duen bigarren kongresua bukatu da Rosa Diezen hitzaldiarekin. Diez presidente aukeratu dute militanteen bozen % 92,8 lortuta eta, hortaz, beste lau urtez egongo da alderdiaren gidaritzan.
Hiru egun lanean buru belarri izan ostean UPyDk Espainiako Gobernura heltzeko asmoa agertu du.
Kongresuan, 6.000 militante baino gehiagok Zuzendaritza Kontseilu berriaren 21 kideak (bi izen berri daude, aurrekoarekin alderatuta) eta Kontseilu Politikoaren 150 kideak aukeratu dituzte. Gorka Maneiro legebiltzarkidea Zuzendaritza Kontseiluko 21 kideetako bat izango da berriro.
Halaber, alderdiaren ildo politiko nagusiak eta datozen lau urteetarako estatutuak ere onartu dituzte. Ildook txostenean jaso dituzte; ardatz nagusiak demokraziaren birsorkuntza, ustelkeriaren kontrako borroka eta krisialditik ateratzeko neurriak dira, besteak beste.
Gainera, aurreikusita ez bazegoen ere, kongresuaren albiste nagusia UPyDk Asturiasko sozialistekin zuten itunaren haustura izan da, Rosa Diezek berak iragarri zuen kongresuaren lehenengo egunean.
Zure interesekoa izan daiteke
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.