Zortzi preso espetxetik atera dira ANren erabakiaren ostean
Isidro Garalde Mamarru, Elias Fernandez, Jokin Mirena, Luis Mari Azkargorta, Joseba Artola, Txomin Troitiño, Patxi Gomez eta Jose Ignacio Urdiain Ciriza kartzelatik atera dira arratsaldean, Auzitegi Nazionalak 'Parot doktrina' aplikatu zaien bederatzi preso aske uztea erabaki ostean. Jon Koldo Aginagalde Urrestarazu oraindik ez dute aske utzi.
Isidro Garalde Bedialauneta Mamarru presoa El Puerto de Santamariako (Cadiz) Puerto I kartzelatik atera da 20:00ak aldera.
Hiru pertsonak hartu dute kanpoaldean eta adierazpenik egin gabe ibilgailu batean alde egin du.
169 urteko zigorra ezarri zioten, besteak beste, hiru hilketagatik. 1985ean atxilotu zuten eta 28 urte zeramatzan kartzelan.
Isidro Garalde Bedialauneta 'Mamarru' presoa El Puerto de Santamariako (Cadiz) Puerto I kartzelatik ateratzen. Argazkia: EFE
Elias Fernandez Castañares ETAko presoa Villabonako (Asturias) kartzelatik atera da arratsaldean.
Fernandez Castañares 19:00ak aldera atera da espetxetik. Senitartekoek lagundu dute. Haurtxo batekin argazkia atera du kanpoaldean.
Elias Fernandez Castañares Orbaizeta taldeko kidea izan zen eta 27 urte eman ditu kartzelan. 288 urteko zigorra ezarri zioten bi hilketagatik.
Jokin Mirena Sancho eta Luis Mari Azkargorta presoak ere Zuerako espetxetik atera dira 19:00ak aldera.
Jokin Mirena Sanchori 156 urteko kartzela-zigorra ezarri zioten, besteak beste, Jesus Blanco Cereceda Noaingo aireportuko arduraduna 1983an hiltzeagatik, eta Diego Torrente Reverte polizia nazionala 1984an akabatzea leporatuta.
Jokin Mirena Zuerako espetxetik ateratzen. Argazkia: EFE
Bestalde, Luis Mari Azkargortari 30 urteko espetxe-zigorra ezarri zioten Araba taldeko kide izatea egotzita. 1985ean, Gasteizen, lapa-bonba batekin Felix Gallego Salman polizia nazionala hil zuen taldeak.
Era berean, Joseba Artola Darocako espetxetik atera da arratsaldean.
Gutxi geroago, Txomin Troitiño ETAko presoa Teixeiroko kartzelatik atera da. 18:15 aldera Coruñako espetxetik atera da. Dozena bat lagunek lagundu dute autora heltzen.
Txomin Troitiñoren lagunetako batek "askatasuna preso politikoentzat" garrasi egin du pare bat aldiz.
Ordu batzuk lehenago, Patxi Gomez Lopez ETAko presoa Basauriko espetxetik atera da. Gomez Ortuellako bere etxean aurkitzen da jadanik.
Gomez 16:30 aldera atera da kartzelatik. Ordubete geroago Ortuellara heldu da furgoneta batean eta bere etxe aurrean aparkatu du.
Patxi Gomez presoa espetxetik ateratzen. Argazkia: EiTB
Gainera, Jon Koldo Aginagalde Urrestarazu presoa ondorengo orduetan ere espetxetik aterako da.
Bederatzi presoei Ministerio Fiskalaren interpretazioa ez diela eragingo uste du Auzitegi Nazionalak.
Zure interesekoa izan daiteke
Tentsioa Lasarte-Orian Voxen presentziaren aurkako protesta batean
Ertzaintzak segurtasun hesia ezarri du Voxen mahaiaren inguruan, eta bertan bildutakoak desegiten saiatu da, eta, azken orduan, tentsio uneak sortu dira. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox herrian egotea.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.
Pradales lehendakariak Tzitzikostas komisarioak Euskal Y-ari emandako "bultzada" txalotu du
Lehendakariak "plangintzatik gauzatzera pasatzea" eskatu du, eta, horretarako, beharrezkotzat jo du Parisko Gobernuaren inplikazioa eta konpromisoa. Gainera, 2026ko hasieran goi-bilera bat egitea espero du, "Euskadiren garapenerako lotura estrategiko" horretan aurrera egiteko.
EHUko errektorearen eta Unibertsitate sailburuaren arteko bilera pribatua izango da
Hitzordua, egin, egingo da: ez da data zehatza zehaztu, baina azaroaren 19a baino lehen izango da, orduan agertuko baita errektorea Eusko Legebiltzarrean.