'Kubati' Cadizko espetxetik atera da biktimen protesten artean
Jose Antonio Lopez Ruiz Kubati Puerto I espetxetik (Cádiz) atera da, Auzitegi Nazionalaren agindua jaso ostean. ETAko biktimen senideak kartzelaren kanpoaldean bildu dira, eta protesta egin dute. Kubatiri 1.210 urteko espetxe-zigorra ezarri zioten, 13 hilketagatik, eta 26 urte bete ditu kartzelan.
22:15 aldera atera da kartzelatik Kubati, Cadizko Giza Eskubideen Elkarteko abokatu bat alboan zuela. Kalean, 40 pertsonako talde batek "hiltzaile" oihukatu dio; izan ere, terrorismoaren biktimen senideek protesta egin dute espetxearen kanpoaldean.
'Kubati' presoa Puerto I espetxetik ateratzen. Argazkia: EFE
Kanpoko hesia zeharkatu duenean, Poliziak esku hartu behar izan du, manifestariek autoa inguratu dutelako. Ibilgailua astindu dute, eta ostikadak eman dizkiote.
Besteak beste, Encarna Carrillo, Manuel Indiano PPko zinegotziaren emaztea, zegoen bertan. ETAk 2000ko abuztuan hil zuen Indiano, Zumarragan (Gipuzkoa).
Antonio Mateo guardia zibilaren anaia ere bertan zegoen, protestan. 1987ko azaroan hil zuen Kubatik Mateo, Ordizian.
Terrorismoaren biktimen senitartekoak 'Kubati'ren zain. Argazkia: EFE
Jose Felix Aginaga 22:00ak aldera atera da El Puerto de Santa Maria (Cadiz) udalerriko Puerto III kartzelatik.
Inmaculada Noble ere 22:00etan atera da Algeciraseko (Cadiz) Botafuegos kartzelatik. Ines del Rio Pradarekin, Jose Ignacio de Juana Chaosekin (bikotekide izan zuen) eta Antonio Troitiñorekin batera, Madril taldeko kidea izan zen Noble. 1986an Madrilen, Juan Bravo kalean, bost guardia zibil hil eta beste lau larri zauritu zituen atentatuagatik zigortu zuen epaileak ETAko kidea.
Gonzalo Rodriguez Cordero, Francisco Javier Lujanbio Galdeano eta Miguel Turrientes Ramirez 22:05 aldera atera dira Herrera de la Manchako (Ciudad Real) espetxetik.
30 bat senide eta lagunek hartu dituzte presoak. Zazpi autotan bertaratu dira arratsaldean, janaria ekarri dute eta argazkiak atera dituzte bertan.
Pedro Mari Rezabal ETAko presoa espetxetik ateratzen. Argazkia: EFE
Juan Mari Gabirondo Agote Auzitegi Nazionalak ebazpena plazaratu eta lau ordura (22:20 aldera) atera da A Lamako (Pontevedra) espetxetik. Txalo artean hartu dute 10 bat pertsonak kartzelako sarreran. Maria Josefa Uzkudun Etxenagusia ETAko presoa eta Olga Oliveira GRAPOko presoa 22:30 aldera atera dira Alboloteko (Granada) kartzelatik.
'Nanclares bide'ko lehen presoa
Andoni Alza aske geratu den 'Nanclares bide'ko lehen presoa da, Auzitegi Nazionalak ETAko 13 kide aske uztea erabaki eta gero. Alza erregimen irekian zegoen Zaballako (Araba) espetxean; igandeetan eta egunero lo egitera besterik ez zen joaten kartzelara.
Alza ETArekin hautsi eta 'Nanclares bidea' osatzen duten 30 bat presoen taldekoa da. Gainera, 'Parot doktrina'ren indargabetzeaz baliatu den 'Nanclares Bide'ko lehen presoa da.
Carmen Gisasola ETAko buruzagi ohia, Alzaren bikotekidea, ere "bake prozesuarekin konpromisoa" duten presoen taldekoa da. 2010ean gutuna sinatu zuten biek, beste zazpi kide historikorekin batera, bake-prozesua eraikitzeko "pauso" berriak eskatzeko.
Zure interesekoa izan daiteke
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.
Amaia Agirre, Getxoko alkatea: "Oposizioak dimititu dezadan eskatzen duelako ez dut dimitituko"
Oposizioko hiru taldeek (PP, EH Bildu eta Elkarrekin Podemos) talde moreak aurkeztutako premiazko mozio bat onartu dute, EAJko alkatearen kargugabetzea eskatzeko, Irurak Bat jauregiaren eraisketari lotuta egindako kudeaketagatik.
Donostiako Udalak ez du lizentzia gehiago emango tentsionatutako auzoetan hotelak eta pisu turistikoak ezartzeko
Donostiako Udalbatzak aho batez onartu du hotel eta ekipamendu turistikoei mugak ezartzen dizkien plan orokorraren aldaketa. EH Bilduk uste du berandu datorrela aldaketa.