ANren aurrean 'erabat babes gabe' dagoela salatu du Ateak Irekik
Auzitegi Nazionalak sare sozialetako kontuak eta webgunea itxi zizkienetik "erabat babes gabe" daudela salatu dute Ateak Ireki plataformako kideek.
Auztegi Nazionalaren itxieraren autoa ez dela behin betikoa azpimarratu du Miguel Angel Llamas bozeramaileak. Herrirarekin harremana dutela adierazten duen Guardia Zibilaren txosten batean oinarritzen da autoa.
Llamasek esan duenez, "onartezina" da Auzitegi Nazionalak "hiru orrialdeko auto batekin hedabide bat itxi ahal izatea", eta abokatuekin helegitea aurkeztea aztertzen ari direla ere adierazi dute. "Edonola ere, ez daukagu motiborik Espainiako Justizian sinesteko, batez ere, aurretik izan diren beste hedabide batzuen itxierak ikusita", gaienratu dute.
"Ez dakigu zertan oinarritzen den Auzitegi Nazionala Ateak Ireki Herriraren parte dela esateko. Leporatzen zaigun guztia orokorra da", salatu dute.
Llamasek esan du atariaren itxiera adierazpen askatasunaren kontrako beste eraso bat dela, eta horren aurka ahalik eta erantzun "zabal eta pluralena" artikulatzeko lanean jarriko direla. Hilaren 23an egingo dute bilkura Iruñeko Udaletxeko plazan, 19:00etan.
Zure interesekoa izan daiteke
Chivitek uste du PSOEri "azkartasuna eta irmotasuna" falta izan zaiola sexu-jazarpenaren aurrean
Maria Chivite Nafarroako presidenteak gogorarazi du PSOE dela sexu-abusu kasuetarako protokoloa duen alderdi bakarra, baina uste du "hobetu" egin behar dela, "biktimen babesari, biktimen bermeari eta jarduera azkar, eraginkor eta justuari begira".
?fmt=webp-alpha&qlt=80)
Sexu-jazarpenagatik eta lan-jazarpenagatik berriki jarritako hainbat salaketa ikertzen ari da PSOE
Azken orduetan, dimisioak eragin dituzten hainbat kasu ezagutu dira, hala nola Belalcazarreko (Kordoba) alkatearena edo Galiziako sozialisten Berdintasun idazkariarena, azken hori Jose Tome Roca Lugoko Diputazioko presidente ohiak kargua utzi ostean izandako desadostasun batengatik.
Esther Muñozek (PP) EAJri eskatu dio "hausnartu" dezala Sanchezi ematen dion babesaren inguruan
Alderdikideekin afari batean parte hartzeko Donostiara egindako bisitan, Alderdi Popularraren Kongresuko bozeramaileak Espainiako Gobernuari "gertatzen ari denagatik erantzukizunak hartzeko" eskatu dio, eta EAJri "Sanchezen alde noiz arte jarraituko duen" galdetu dio.
Martxoak 3 elkarteko biktimek Memoriala utziko dute "parte hartzea bermatzen ez bada"
Martxoak 3 elkarteak deitoratu du ez duela bermerik jaso sinatutako akordioari eusteko moduari buruz, eta ez dela deitu hitzarmena luzatu behar duen jarraipen-batzorderik. "Adostutakoa betetzen ez bada, Memorialak ez du inolako arrazoirik biktimentzat", ohartarazi du elkarteak.
Sumar osatzen duten alderdiek "Gobernu berria" eskatu diote Sanchezi, baina Moncloak baztertu egiten du
Gobernuko kide txikienak, Yolanda Diazek elkarrizketa batean zabaldutako ildoari jarraituz, irmotasuna eta aldaketak eskatu dizkio PSOEri. Hala ere, exekutiboaren gertuko iturrien arabera, azken kasuek ez dute ministrorik zipriztindu, eta, beraz, aurreikusita zeuden ordezkapenekin jarraituko dute.
GKSk faxismoaren aurkako manifestazioak deitu ditu urtarrilaren 31rako Bilbon eta Iruñean
Bilbon egindako agerraldi publikoan, ohartarazi du "euskal nortasunaren izenean" faxismoa sortu dela Euskal Herrian, eta "sare sozialetan eta kaleetako hormetan agertzen" hasia dela, "mezu arrazista, supremazista eta matxistekin".
Osasun sailburuak "jarrera aldatzeko" eskatu dio Osasun ministroari, medikuen grebaren eta profesionalen faltaren aurrean
Alberto Martinez sailburua kezkatuta agertu da mediku eskasiari aurre egiteko neurririk hartzen ari ez direla iritzita, eta azalpenak eskatu ditu Esparru Estatutuan guardia medikoetarako proposatzen den antolaketa ereduari buruz.
PSOE irabazletzat jo du berriro ere CISek, PPri bederatzi puntuko aldea aterata
Etxebizitza da herritarren kezka nagusia, eta, ondoren, krisi ekonomikoa eta arazo politikoak daude. Pedro Sanchez buruzagi sozialista da presidente gisa gustukoena, nahiz eta ezein liderrek ez duen gainditzen.
UCOk dokumentazioa eskatu du Correosen eta Ogasun zein Trantsizio Ekologikoko ministerioetan
Zehazki, kontratu eta dirulaguntzei buruzko dokumentazioa eskatu diete guardia zibilek, Leire Diezekin lotutako sarearen inguruko ikerketaren baitan. Prebarikazioa, ondasun publikoak bidegabe erabiltzea eta erakunde kriminal bateko kide izatea leporatzen diete. Ikerketa zabalik dago oraindik.
Arabako foru kabineteak eta Elkarrekin Podemos IUk negoziazioak areagotuko dituzte, akordio bat ixten saiatzeko
Arabako Batzar Nagusietako aurrekontu proposamena aurrera jarraitzea ahalbidetu du Elkarrekin Podemos IUk, koalizio horretako hiru prokuradoreen botoei esker. Zuzenketa partzialak astelehenean eta asteartean eztabaidatuko dira, eta behin betiko onarpenerako osoko bilkura hilaren 19an izango da.