Independentziaren 'euskal bidea' aurkeztu du ezker abertzaleak

Sortu, LAB eta Ernai gazte antolakundeak osatzen duten ezker abertzaleko plataformak independentzia lortzeko 'Euskal bidea' aurkeztu du Bilbon egindako prentsaurrekoan. Aldebakartasunetik eta erabakitzeko eskubidean oinarritzen da estrategia berria.

Hasier Arraiz (Sortu), Ainhoa Etxaide (LAB) eta Maialen Etxeberria (Ernai) izan dira proiektua aurkezteaz arduratu direnak.

Arraizek esan duenez duela lau urte aurkeztutako 'Zutik Euskal Herria' dokumentuaren jarraipena da. Dokumentu horretan ezker abertzaleak 'bide politiko eta baketsua' hartzeko konpromisoa erakutsi zuen.

Subiranotasunaren apustua egiten duten beste alderdi politiko eta sozial batzuekin, baita EAJrekin ere, partekatu nahi duten proiektua dela adierazi dute.

Helburu honekin beste eragile batzuekin 'egokitzen' joan daitezkeen eta independentzia helburu duten proposamen praktiko eta 'malguak' sortzen joatea bilatzen dute.

'Euskal Herriko lurraldetasun bakoitzak behar dituen estatutu berriei buruzko eztabaidarekin' hasi nahi dute benetako proposamenak Euskadin, Nafarroan eta Ipar Euskal Herrian lortu ahal izateko. Estatutu horien oinarrizko zutabea erabakitzeko eskubidea izango da eta 'Euskal Herria' onartuko duen gune bateratu batean gauzatuko da. Lurraldetasun batasuna lortu eta independentziara abiatzeko.

Subiranotasun bilgune indartsua lortu beharko da horretara eta ez bakarrik alderdi politikoan baita sozialean eta sindikalean.

Sortuko buruak ezker abertzalearen proposamenak euskal gizarteari egiten dion proposamenak 'agertoki ez demokratikotik guztiontzat erabakiak eskainiko dituen batetara eta proiektu politiko guztiak eztabaida eta baldintza berdinetan burutu ahal daitezkeen agertokira bideratzea' du helburu.