Fernandez Diaz: 'Nafarroa estrategikoa da Espainiarentzat'
Jorge Fernandez Diaz Espainiako Barne ministroak ohartarazi du Nafarroan Bildurekin batera zentsura mozioa aurkezteak "ondorio politiko desatseginak" izan ditzakeela; izan ere, ministroaren esanetan, kolokan jarriko luke erkidegoaren foru izaera eta EAErekiko independentzia, eta hori "ETAk bilatzen zuen helburuari laguntzea" izango litzateke.
Fernandez Diazi Kongresuan galdetu diote PSNk UPNren Gobernuari eman dion ultimatumaren inguruan. Zentsura mozioa aurkeztuko zuela iragarri zuen PSNk, eta horretarako Bilduren babesa behar du.
Ministroak azaldu duenez, Nafarroa "estrategikoa da Espainiarentzat", ETAren helburuetako bat foru erkidegoak EAErekin bat egitea delako. "Beraz, Nafarroaren foru izaera berezia zalantzan edo arriskuan jartzeko edozein neurrik ETAren helburuak betetzen lagunduko luke, nolabait", gaineratu du.
Ministroak esan du hori ez dela PSOEren borondatea, "inola ere", baina argi azpimarratu nahi izan du "Bilduk babestutako zentsura mozioak ondorio politiko desatseginak" eragingo lituzkeela "baita PSOErentzat ere".
"Akats politiko handiena"
Bestalde, Alberto Ruiz Gallardon Justizia ministroak txalotu egin du PSOEren zuzendaritzak zentsura mozioa Bildurekin adosteko aukera baztertu izana, Alfredo Perez Rubalcaba buru duen alderdiak egingo lukeen "akats politiko handiena" izango zela iritzita.
Justizia ministroak goraipatu egin du "ituna egiteko aukera pentsatu ere ez izana".
'Rubalcabak Bildurekin itunik ez egiteko agindu behar dio PSNri'
Alfonso Alonso PPren Kongresuko bozeramaileak ez du Nafarroako Gobernuan ustez izan diren irregulartasunen inguruan adierazpenik egin nahi izan, eta "garrantzitsuena" PSOEk Yolanda Barcinaren Gobernuari "mehatxu" egiteko "aitzakia" bila ibiltzea dela esan du.
"Onartezina da PSOEren eta Bilduren arteko aliantza bat, eta Nafarroaz harago doan gaia dela uste dut. Horregatik, PSOEk ordena ezarri behar du Nafarroan. Rubalcabak argi eta garbi agindu beharra dauka duela bi egun arte ETArekin politikoki eskutik helduta zihoazekin eta erakundearen historia kriminala gaitzetsi gabe jarraitzen dutenekin ezin dela itunik egin", azpimarratu du.
PSNk Nafarroan egingo duenaren eta ustez izan diren irregulartasunen artean garrantzitsuena zer den galdetuta, Alonsok erantzun du irregulartasunena "Nafarroako politikari dagokion gaia" dela. Hori esanda, "garrantzitsuena" PSNk "Bildurekin aliantza egiteko pausoa ematea" dela azpimarratu du. "Nafarroaren etorkizunarentzat benetako mehatxua izango litzateke hori", gaineratu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.