Ferrazen agindua obedituko du PSNk, eta ez du moziorik babestuko
PSNko Lurralde Batzordeak Nafarroako sozialisten Exekutibaren proposamena onartu du. Proposamenean Yolanda Barcina presidentearen aurka zentsura-mozioa aurkezteko betoa "berriz pentsatzeko" eskatu diote PSOEri.
Horrela, Barcinaren Gobernuaren aurkako zentsura-mozioa ez babesteko agindua obedituko du PSNk, baina erabakia berriz hausnartzeko eskatu dio PSOEri.
PSNren Lurralde Batzordea 22:30ean amaitu da. Bilerak lau orduko iraupena izan du. Ebazpenak aldeko 80 boto jaso ditu eta kontrako zazpi. Lurralde Batzordeko 47 kide abstenitu dira.
Bilera amaitu ostean Roberto Jimenez PSNko idazkari nagusiak kargua uzteko aukera baztertu du. Hala ere, Amanda Acedo sektore kritikoko ordezkariak Jimenezen eta Exekutiba osoaren dimisioa eskatu du.
Dimisioa aurkezteko aukera "buruan" ez duela adierazi du idazkari nagusiak. Jimenezen ahotan, "logikoki, PSOEk hartutako erabakiarekin ez gaude ados", baina obedituko dutela azpimarratu du.
Zentsura-mozioa ez aurkezteko erabakia hartu zuen asteazkenean PSOEko Exekutiba Federalak, ezta beste alderdi batek aurkeztutako zentsura-mozio bati babesa ematea ere.
Lurralde Batzordea bildu baino lehen PSNko Batzorde Exekutiboak proposamen bat onartu du, baina azken erabakia alderdiko organo gorenak hartu du.
Ebazpenak bost puntu ditu eta "PSN-PSOE PSOEren federazioa" dela argi uzten du: "PSN PSOEren federazio bat da eta horrela ekingo du, alderdiaren erabakiak betez".
"Hala ere, PSOEk hartutako erabakiarekin ez gaude ados. Zentzu horretan, Ferrazek erabakia berriz hausnartu behar du zentsura-mozio bat aurkeztu ahal izateko", erantsi du proposamenak.
Anai Astiz Etxebizitzako konsteilari sozialista ohia PSNko egoitzaren aurrean. Argazkia: EFE
PSNko Lurralde Batzordearen erabakia "positiboa" dela esan du PSOEren zuzendaritzak agiri batean. Nafarroako sozialisten "jarrera arduratsua" goraipatu du, Barcinaren "arduragabetasunaren" aurrean. Nafarroako presidenteari kargua uzteko eskatu dio berriro PSOEk.
Sektore kritikoa
Bestalde, Roberto Jimenezen dimisioa eskatzeko eta Nafarroan hauteskundeak aurreratzeko proposamena aurkeztu nahi zuten alderdiko sektore kritikoko buruzagiek, baina PSNko zuzendaritzak ez die utzi.
Lehenago, Batzorde Exekutiboak PSOEren agindua betetzea erabaki du, baina azken erabakia Lurralde Batzordeak zuen. Lurralde Batzordea 200 lagunek osatzen dute.
Bigarren bilera horretan, Exekutibako kideen eta Jimenezen dimisioa eskatzeko ebazpen bat aurkezten saiatu dira buruzagi batzuk, hauteskundeak aurreratzeko eta PSOEko zuzendaritzaren inposaketa gaitzesteko.
Nafarroan alderdia suspertzeko "bide bakarra" hori dela uste dute buruzagi kritikoek.
Zuzendaritzak, ostera, ez du proposamena eztabaidatzeko aukerarik eman eta buruzagi kritikoak kalera atera dira kazetariei euren "haserrea" azaltzeko.
Roberto Jimenez PSNko idazkari nagusia Iruñeko egoitza sozialistaren aurrean. Argazkia: EFE
Protestak
200 bat lagunek protesta egin dute PSNko egoitzaren aurrean. Manifestariak 19:00ak aldera biltzen joan dira Iruñeko Sarasate pasealekuan.
"Lotsagabeak" edo "kanpora" oihu egin dute manifestariek. "Hauteskundeak" eta "aldaketa" eskatu dute kartelen bidez.
Zure interesekoa izan daiteke
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.