Cousoren hilketaren auzia artxibatzearen aurka egin du Pedraz epaileak
Santiago Pedraz epaileak uko egin dio Jose Couso kamerariaren hilketaren auzia artxibatzeari, justizia unibertsalaren erreforma indarrean sartu arren.
Auzitegi Nazionaleko epaileak bere autoan dioenez, justizia unibertsalaren erreformak Genevako laugarren Hitzarmena urratzen du; izan ere, gatazka armatuetan izaten diren heriotzak (kazetariena barne) ikertzea agintzen du hitzarmen horrek.
Horrenbestez, Cousoren auzian justizia unibertsala erregulatzen duen Botere Judizialeko Lege Organikoaren 23. artikulua ez aplikatzea erabaki du Pedrazek.
Jose Couso 2003ko apirilaren 8an hil zuten Iraken. Familiak kereila bat aurkeztu zuen Auzitegi Nazionalean AEBko hiru militarren aurka. Espainiako Justiziak lau aldiz eskatu du aipatu militarrak Espainian epaitu ahal izatea.
Auzitegi Nazionaleko iturrien arabera, badirudi justizia unibertsalaren erreforma indarrean egon arren, auzien artxibatzea ez dela berehalakoa izango. Instrukzioko epaileek alegazioak aurkezteko aukera emango die kasu bakoitzeko aldeei, segurtasun juridikoa bermatzeko asmoz.
Beste auzi batzuk ere bai
Pablo Ruz epaileak ere era berdintsuan jardun da, eta bere Auzitegian martxan dauden justizia unibertsaleko bost auzien aldeei zuzendu zaie, artxibatzeko ala ez.
Bost auziok honako hauek dira: Guantamoko ustezko torturak lau preso ohiri; Txileko diktaduran, 1979, Carmelo Soria diplomatiko espainiarraren bahiketa eta erailketa; Saharako genozidioa; Fronte Polisarioko 28 kideri egindako torturak eta Gazara zihoan Askatasunaren Ontzidia.
Ruz eta Pedraz baino lehen, Eloy Velasco epailea berak lan egiten duen Auzitegiko auzietako aldeei zuzendu zitzaien; Velascok El Salvadorreko 20 militar auzipeturik ditu, sei jesuita, tartean Ignacio Ellacuria, 1989an El Salvadorren hiltzeagatik.
Terrorismo delituengatik martxan dauden 14 auziek baliteke artxibatzea saihestu ahal izatea ,Auzitegi Nazionalean.
Besteak beste, Ruandako genozidioa eta Ainhoa Fernandez eta Enric Gonyalons GKEetako boluntarioen bahiketak, Al Qaedaren eskutik, eta Sirian Marc Marginedas kazetariaren bahiketa.
Zure interesekoa izan daiteke
Bi dekretu adostu dituzte PSOEk eta Sumarrek, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.