Madinak bere hautagaitza aurkeztuko du ostiral honetan, Senatuan
Eduardo Madina PSOEko diputatuak alderdiko idazkari nagusia izateko hautagaitza aurkeztuko du ostiral honetan, Senatuan. Ramon Rubial buruzagi sozialista historikoaren bustoaren alboan agerraldia egingo du Madinak.
Alfredo Perez Rubalcaba ordezkatzeko hautagaitzaren berri agiri baten bidez eman du Madinak. Agiria @EquipoMadina bezala sinatu du, eta bere irudi batekin eta "Garai berri bat" leloarekin lagundu du.
Horrela, PSOEko buruzagi izateko 'lasterketari' ofizialki hasiera emango dio Madinak 12:30ean. Ramon Rubial sozialisten ikur politiko eta etikoaren bustoa protagonista izango da prentsaurrekoan.
Pedro Sanchez
Pedro Sanchez hautagaiak, ostera, aurkezpena egin du gaur arratsaldean. "Errepidearen hautagaia" izango dela ziurtatu du, Espainia osoko txokoetako alderdikideekin egoteko beharrezkoak diren kilometro guztiak egingo dituelako. Alderdiaren "batasuna" eta "aldaketa" lortzeko berme bezala aurkeztu du bere burua.
200 bat militanteekin agerraldia egin du diputatuak Alcorconen. Udalerria 30 urtez gobernatu zuen PSOEk, baina 2011z geroztik PPk gehiengo absolutua du.
Jose Antonio Perez Tapias
Bestalde, Jose Antonio Perez Tapias diputatu ohiak, Ezker Sozialistaren taldeko kideak, hautagaitza larunbat goizean aurkeztuko du, PSMko egoitzan.
59 urteko Perez Tapias Sevillan jaio zen eta 1993az geroztik militante sozialista da. 2006tik 2011ra PSOEko diputatua izan zen. PSOEk ezkerretara jotzea nahi du hautagaiak, alderdiak esparru politikoa eta hautesleak ezkerrean dituelako.
Perez Tapiasen hitzetan, PSOEren jarrera "txepelek", "norabiderik gabeko" oposizioak eta proiektuaren "lausotzeak" boto-emaileak ezkerreko alderdietara eraman dituzte.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.