Madinaren taldeak 15.020 abal aurkeztu ditu Ferrazen
Eduardo Madina PSOEko idazkari nagusia izateko hautagaitza kudeatzen duen taldeak 15.020 abal aurkeztu ditu alderdiaren egoitzan, Madrilen.
Imma Aguilar Madinaren kanpainako arduradunak azaldu duenez, berme gehiago helduko dira zuzendaritzak emandako epea bukatu baino lehen. Epea ostiral honetan amaitzen da, 00:00etan.
Heltzen ari den abalen kopurua "ezustean" harrapatu dituela azaldu du Aguilarrek Ferraz egoitza sozialistaren atean. Hala ere, lortu nahi duten kopuru "zehatza" ez du eman kanpainako arduradunak.
20.000
Madinaren hautagaitzako iturri batzuek adierazi dutenez, 20.000 bermeak gainditzea espero dute, baina helbururik finkatu ez dutela gaineratu dute.
Madinaren abalak sei kutxatan ekarri dituzte Imma Aguilarrek, Ignacio Sanchez Amor, Laura Seara eta Patricia Hernandez diputatuek eta Bernardino Leon Estatu idazkari ohiak.
Eduardo Madina. Artxiboko irudia: EFE
"Ohorea"
Barne-hauteskundeetara hautagai bezala ofizialki aurkezteko abalak lortu izana "ohore bat" dela adierazi du Madinak.
Hauteskunde primarioekin "1982tik alderdiak izan duen proiektu aldaketarik sakonena eta ausartena" aurrera aterako dutela goraipatu du hautagai sozialistak. Madinaren hitzetan, kongresua "historikoa, berezia eta ezberdina" izango da, boto zuzenarekin hautagaia aukeratuko dutelako.
Salamancako PSOEren egoitzari bisita egin dio Madinak. Probintziako militante eta jarraitzaile sozialistekin bildu da hautagaia.
Bermeak lortzeko "militante askok egindako esfortzu handia" eskertu du Madinak bilera hasi baino lehen. Bestalde, hautagaitza aurkeztea erabakitzeko "denbora behar" izan zuela onartu du Madinak, "Alderdi Sozialista indartsu bat" zuzentzeko "kapaz" izango zela pentsatu behar zuelako. PSOEk "proiektu politiko ausarta, sendoa, serioa, sinesgarria eta berria" behar duela azpimarratu du hautagaiak.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.