Pedro Sanchez: 'Subiranotasun nazionala Espainiako herriak du soilik'
"Subiranotasun nazionala bakarrik Espainiako herriaren eskuetan" dagoela adierazi du Pedro Sanchez PSOEko buruzagia izateko aukera asko dituen hautagaiak.
Hautagai sozialista Radio Euskadi irratian elkarrizketatu dute. Sanchezen ahotan, "PSOEren historia, Espainiako aniztasuna onartu duen alderdi baten historia da". "Autogobernua sendotu behar da, baina Espainiako herrien batasuna aitortzen duen marko argi baten barruan", azaldu du. "Espainia federal baten aldeko apustua egiten dut", esan du.
Babesak lortzeko kanpainan, Bilbon, izan da gaur hautagaia. PSOEko buruzagia izateko hautagaiaren hitzetan, berak ez du "sekula legezko erreferendum adostu bat" defendatu, "Espainia federal bat" lortzeko Konstituzioaren erreforma baizik, "Espainiako herriaren aniztasuna" aintzat hartzeko.
Gainera, Alfredo Perez Rubalcaba PSOEko idazkari nagusia "Euskadin bakearen alde lan gehien egin duen ministroa" izan dela goraipatu du Sanchezek. Madrilgo diputatuaren arabera, alderdian "garai berri bat hasi da" eta "gazteen belaunaldi berri bat" azaldu da "lekukoa hartzeko prest".
Erreforma fiskala eta abortua
Bestalde, Mariano Rajoyren Gobernuak bultzatutako erreforma fiskala kritikatu du Sanchezek, "langilea jazarri eta iruzurgilea saritzen duelako".
Abortuaren legea erreformatzeko proiektua ostiral honetan onartu behar du Espainiako Gobernuak. Sanchezen hitzetan, "astakeria hutsa da eta emakumeen askatasunetan 30 urte atzera eramango gaitu".
Hautagaia izateko beharrezkoak diren 10.000 abalak gainditu dituela errepikatu du Madrilgo diputatuak. "Uztailaren 13an lortuko ditugun emaitzak ez dira, logikoki, baina inkesta bat bai", azpimarratu du. "Garaipena lortzeko babes nahikoa lortzea espero dut", adierazi du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.