Urkullu: 'Krisitik ateratzeko zorroztasuna beharrezkoa da'
Euskadi krisi ekonomikoaren "unerik gogorrenak" gainditzen ari dela berretsi du Iñigo Urkullu lehendakariak, baina, gai horretan "zuhurtzia" eskatu du eta Jaurlaritza beti "lurraren gainean oinak edukiz" arituko dela azpimarratu du. "Oraindik ez da krisia amaitu", gaineratu du.
"Gure planteamendua beti oinak lurraren gainean eukiz egingo dugu", nabarmendu du Urkulluk, ikasturteko lehen Gobernu bileraren ondorengo agerraldian.
Horren harian, egoera ekonomikoak hobera egin duela erakusten duten zenbait adierazle zerrendatu ditu: PBIaren hazkundea, esportazio eta turismo datuak edota langabezia tasa.
"Krisiaren unerik larriena gainditzen ari gara, nahiz eta krisian egon", esan du.
Urkulluk bere kezka agertu du Europan "gertatzen ari denarekin" eta Italiak, Alemaniak eta Frantziak bizi dituzten atzeraldiak aipatu ditu.
Lehendakariak esan du krisi ekonomikotik ez dela "doikuntzarekin edo murrizketekin soilik ateratzen", zorroztasuna ezarriz baizik.
Gizarte giro ona
Bestalde, Urkulluk herrietako udako jaietan izan den "gizarte giro ona" ere azpimarratu du, eta Euskal Herriko "herri guztietan jaietan jai" izan dela nabarmendu du. "Horrela izan beharko litzateke beti", gaineratu du.
Horren harian, Loiun bost autobus kiskali zituztela gogoratu du eta "holako ekimen at izan bada ere", indar politiko guztiek erasoa gaitzestu egin zutela goraipatu du. "Azpimarratzekoa da, ekintza horrek ez du giza babesik izan, inola ere ez".
Familia-argazkia Donostian
Eusko Jaurlaritzak ostegun honetan ekin dio berriro kurtso politikoari, udarako oporren ostean, ohiko batzorde-bilera eginez Miramar Jauregian, Donostian. Bilera egin aurretik, Jaurlaritzako sailburu guztiek, Urkullu lehendakariak eta Gipuzkoako agintariek urteroko familia-argazkia egin dute Jauregiko eskaileretan.
Banan-banan, goizeko 10:00etan iritsi dira sailburuak, eta Jauregiko kanpoaldean Iñigo Urkullu lehendakariaren zain egon dira Martin Garitano Gipuzkoako diputatu nagusiarekin, Juan Karlos Izagirre Donostiako alkatearekin eta Julio Astudillo Gipuzkoako Batzar Nagusietako jarduneko presidentearekin batera.
Urkulllu ordu laurden beranduago iritsi da, eta Donostiako txistularien doinuekin harrera egin diote Gipuzkoako agintariek.
Sailburuak agurtu ondoren, Jauregian sartu dira, baina minutu batzuk beranduago, ohiko argazkia egin dute Miramar Jauregiko eskaileratan. Jarraian, eraikinean sartu dira, Gobernu bilera egiteko.
Sailburuak, bilera hasi aurretik. Argazkia: EFE
Bien bitartean, ErNEko ordezkariek protesta egin dute Miramar Jauregiaren kanpoaldean, Estefanía Beltrán de Heredia Segurtasun sailburuaren eta Gervasio Gabirondo Ertzaintzako zuzendariaren aurka.
Hastear dagoen kurtso politiko berria, zalantzarik gabe, Euskadirentzako estatus politiko berri baten inguruko eztabaidak, Eskoziako erreferendumaren aurreko egunetan eta Katalunian azaroaren 9rako aurreikusita duten kontsultatik gertu, eta ekonomiak markatuko dute.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.