PPk koalizio handi baten alde egin du, Kataluniako prozesuaren aurrean
PPk “koalizio handi” bat eskaini die PSC, UDC, Ciutadans eta UPyD alderdiei “osotasuna” eta “bideragarritasuna” bermatuko dituen gobernua osatzeko, alderdi soberanistek nahi duten “amildegiaren” aurrean.
Maria Dolorse de Cospedal PPko idazkari nagusiak egin die eskaintza ofizialki, Badalonan, Kataluniako popularren konferentzia politikoan. Cospedalek esan du alderdiak “besoak irekita” dituela eta indar politiko horiekin hitz egiteko prest daudela horren “garrantzitsua” den unean.
Diada egiteko astebete baino gutxiago geratzen denean, eta kontsultarako bi hilabetera, PPko bigarrenak deialdi hori egin die “moderazioa” eta “zentraltasuna” babesten dituzten alderdi guztiei. Halaber, independentziaren aldekoak batzen diren indar berarekin bat egiteko eskaera egin die.
Guztiei koalizio hori eskatu die “katalanek behar duten gobernua” eskaintzeko, ekonomian, enpleguan eta zerbitzu publikoetan oinarrituko den bat. Artur Mas buru den Generalitateak, aldiz, kontsultagatik bakarrik pentsatu eta lan egiten duela uste du.
“Ez da Kataluniagatik egin dezakegun gauza garrantzitsuagorik indarrak batu eta guztiok batera egitea baino. Hori egiteko unea da”, nabarmendu du Cospedalek.
PSOEk Kataluniako prozesuaren aurkako "frontea" errefusatu du
Patxi Lopez PSOEko Akzio Politikorako idazkariak errefusatu egin du alderdiak Kataluniako prozesuaren aurkako “frontean” parte hartuko duenik, PPk proposatu moduan, “lubaki baten aurrean ez dugu beste bat egingo”.
Lopezek azpimarratu dutenez, sozialistak ez daude “banatzen duten fronteak eraikitzeko, baizik eta zubiak egiteko”, ondorioz, ez dute parte hartuko.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.