Manuel Vallsek konfiantza mozioa gainditu du Parlamentuan
Frantziako Parlamentuak bere konfiantza agertu dio Manuel Vallsen Gobernu berriari. 269 diputatuk alde bozkatu dute; 244k aurka; eta 53 abstentzio izan dira, horietatik 30 bat diputatu sozialistena.
Aipatzekoa da joan den apirilean 306 diputaturen babesa jaso zuela eta oraingo honetan ez duela gehiengo absoluturik lortu. Christian Jacob UMPko buruzagi kontserbadoreak esan du gaurko emaitza “ohartarazpen bat” baino gehiago dela: “Vallsi geratzen zaizkion egunak zenbatuta daude”, nabarmendu du.
Parlamentuko saioan 566 diputatu izan dira eta horietatik 513k bozkatu dute. UMPk eta Independenteen eta Demokraten Batasunak kontrako botoa eman dute; ekologistak, oro har, abstenitu egin dira; eta RRDP alderdiak Vallsen Gobernu berria babestu du.
Alderdi Sozialistako diputatu kritikoek korronte bat osatu dute, Vallsek iragarritako erreforma ekonomikoak neurri liberalak direla iritzita eta hauteskunde-programan agindutakoa betetzen ez dela argudiatuta.
Manuel Valls ez zegoen behartuta konfiantza mozioa gainditzera, baina gaurko bozketaren bitartez bere Gobernu berriari “bultzada” eman nahi izan dio.
Krisi politikoa abuztuan hasi zen. Orduko Ekonomia, Hezkuntza eta Kultura ministroek gogor kritikatu zuen François Hollande Frantziako presidentearen politika ekonomikoa. Gauzak horrela, Vallsek gobernu berria eratu zuen: kritikak egin zituzten Ekonomia, Hezkuntza eta Kultura ministroak aldatu zituen.
Hollande bere ibilbide politikoko garairik zailean murgilduta dago. Bere ospeak nabarmen egin du behera, Frantziako ekonomian geldialdian dago eta Valeri Trierweiler emazte ohiak argitaratutako liburuan bere ikuspegi sozialista zalantzan jartzen da.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.