Rajoyk eskoziarrak zoriondu ditu 'ondorio larriak' saihesteagatik
Mariano Rajoy Espainiako Gobernuko presidenteak eskoziarrak zoriondu ditu atzoko erreferendumean lortutako emaitzagatik eta independentziak eragingo lituzkeen "ondorio larriak" saihesteagatik.
Ministroen Kontseiluaren aurretik egin du adierazpena Rajoyk, Moncloa Jauregian hedabideen esku utzi duen bideo batean.
Gobernuko presidenteak azpimarratu du eskoziarrek "argi eta garbi" erabaki dutela Erresuma Batuko kide izaten jarraitzea eta, ondorioz, Europar Batasuneko kide izaten jarraitzea.
Gainera, "modu baketsuan eta bertako legea errespetatuz" egin dutela goraipatu du.
"Erabakiarekin, eskoziarrek ondorio ekonomiko, sozial, instituzional eta politiko larriak saihestu dituzte, Erresuma Batutik eta Europatik bereiziko zirelako", adierazi du Espainiako Gobernuko presidenteak.
Rajoyren arabera, atzo eskoziarrek "segregazioaren eta integrazioaren artean, isolamenduaren eta zabalkundearen artean, egonkortasunaren eta zalantzaren artean, eta segurtasunaren eta arriskuaren artean erabaki zuten".
Zure interesekoa izan daiteke
PPk ez du baztertzen EAJ eta PSErekin zerga erreforma adostea
Sanchezek erantzunak eta neurriak eskatu dizkio Marokori, Ceutan muga-kontrolak huts egin zuelako
"Gogoak batzeko" deia egin du Sarek, presoen aldeko urtarrileko manifestazioa "azkena" izan dadin
Arabak trenbide sektorea berritzeko zentro teknologikoa izango du Laudion
Kataluniara itzultzeko aukera zabaldu dio Puigdemonti Auzitegi Konstituzionalak, bidegabeko erabilera delituari amnistia eman dio eta
Kongresuak behin betiko kendu dio prentsa-akreditazioa Vito Quilesi
Akordio zabalak aipatu bai, baina gero ezezkoa bozkatzea aurpegiratu dio Estebanek Otegiri
Anduezak hauteskundeei begira egotea leporatu die EH Bilduri eta "bereziki" EAJri
Ceutako eta Melillako mugetan segurtasuna indartuko dutela iragarri du Marlaskak, zabaldu diren deialdien ondorioz
