Kataluniar guztien presidentea dela gogorarazi dio Gobernuak Masi
Soraya Saenz de Santamaria Gobernu zentraleko presidenteordeak kataluniar "guztien" presidentea dela ohartarazi dio Artur Mas Generalitateko presidenteari.
"Egunotan batzuek zenbait erabaki sinatuko dituzte, ala ez; eskatzen dudan bakarra da kontuan har dezala erkidego horretako herritar guztien presidentea dela, Konstituzio batek ahalbidetu duelako, ahalmen hori eman diolako. Baina, batez ere, herritarren bizitza errazago eta hobea egiteko dela presidente", nabarmendu du.
Saenz de Santamariak Aragoiko PPko Afiliatuaren Eguneko ekitaldian parte hartu du, Rodanaseko Andre Mariaren santutegian, Epilan (Zaragoza). Ekitaldian, halaber, Luisa Fernanda Rudi Aragoiko Gobernuko presidentea eta hango PPko burua, eta Luis Maria Beamonte Zaragozako PPko presidentea ere izan dira.
Saenz de Santamariak gogorarazi duenez, autonomia erkidegoek eskumen asko dituzte, eta, askotan, "espainiarren eguneroko bizitzan eragiten dute", Espainia "herrialde deszentralizatuenetako bat" delako.
Gaineratu duenez, Kataluniako PPk "militante asko" ditu eta "kataluniar eta espainiar sentitzen den jende asko dago, eta lasaitasuna ematea nahi dute". "Gurekin egotea nahi dute, bat eginda, historian zehar izan den bezala", esan du.
Saenz de Santamariak Eskoziako erreferendumaren inguruan azpimarratu duenez, "legea bete da" eta "ezetz esan dute", "herrialde handi bat izateko nahia berretsita, Europar Batasunaren baitan, ez zatituta ezta bananduta ere". Gobernu zentraletik "agintean daudenei legea betetzeko eskatzen diegu", azpimarratu du Gobernuko bozeramaileak.
Albiste gehiago politika
Konstituzionalak amnistia babesteko arrazoiak: Kataluniako prozesu independentista "krisi politikoaren kasu paradigmatikoa" izan zen
Konstituzionalak ezustekorik gabe atzera bota du PPk aurkeztutako helegitea, baina ebazpenak berrikuntza batzuk ditu, besteak beste, amnistia justifikatzeko arrazoibidea sendotzea.
2030erako Turismo Plan Estrategikoak Gipuzkoaren eta lurraldean bizi diren pertsonen zaintza du ardatz
'Zatoz eta zaindu' goiburua duen planarekin, "bizikidetza osasuntsua" bultzatu da turismoaren esparruan, izan ere, BPGren % 8,4 dagokio sektoreari eta 40.000 familia baino gehiago enplegatzen ditu. Bost ardatz estrategikotan sostengatzen da Aldundiak diseinatutako plana.
Bilbok Basque Segurtasun Foroaren lehen jardunaldia hartuko du astelehenean, Euskadiko segurtasuna birdefinitzeko
Euskalduna Jauregia izango da Eusko Jaurlaritzak segurtasun integraleko eredu berria eztabaidatzeko eta eraikitzeko bultzatutako ekimenaren agertokia. Erakundeetako, enpresetako, gizarteko eta hezkuntzako ordezkariek parte hartuko dute.
1978ko sanferminetako dokumentuak desklasifikatzeko eskatu du Kongresuak
EH Bilduk bultzatutako legez besteko proposamenak 1968ko Sekretu Ofizialen Legea aldatzea eskatzen dio Jaurlaritzari, baita gertatutakoa argitzen eta biktimak aintzatesten laguntzea ere.
Babes-helegiteak ebatzi arte zain egon beharko dute Puigdemontek eta Junquerasek
Konstituzionalak Amnistiaren Legea babestu izanak ez du bi politikarien egoera praktikan aldatzen. Presidente ohiaren abokatuak hurrengo egunetan helegitea jarriko duela adierazi du. Junquerasek, berriz, jarrita dauka berea, eta Konstituzionalaren pausoa txalotu duen arren, salatu du Auzitegi Gorenak ez duela legea aplikatu nahi.
Martinezek eragile politiko eta sozialen "konpromisoa" eskatu du Osasun Ituna adostasun zabalarekin ixteko
Alberto Martinez Osasun sailburuak osasun itunaren inguruan duen "baikortasuna" berretsi du, eta prozesu horretan parte hartzen duten eragile guztien "konpromisoa" eskatu du, ostiral honetan akordio bat ixteko.
Espainia "herrialde subiranoa" dela erantzun dio Sanchezek Trumpi, eta muga-zerga "bidegabeak" kritikatu ditu
Pedro Sanchezek NATOren goi-bileran berretsi duenez, Hagan, Espainiak ez du BPGaren % 2,1 baino gehiago gastatuko Defentsan. Trumpek Gobernuarekin merkataritza akordio bat zuzenean negoziatzeko mehatxua egin zuen, eta herrialdeari "bikoitza ordainaraziko" diola esan du, egoera "konpentsatzeko".
Auzitegi Konstituzionalak Amnistia Legea babestu du, magistratu aurrerakoien aldeko botoekin
PPren helegiteari erantzuna emateko bozkatu dute, eta ebazpen-testuak dio Espainiako Konstituzioan amnistiak tokia duela, eta Amnistia Legea ez dela "arbitrarioa", ezta "kapritxoa" ere.
Amnistia Legea "ezarriz gero" PSOEri botorik ez emateko mehatxua egin du Felipe Gonzalezek
Espainiako Gobernuko presidente ohiaren ustez, araua "barrabaskeria" izateaz gain, "lotsagarria" da edozein demokratarentzat. Eskuinaren "argumentarioa erostea" leporatu dio Patxi Lopezek Gonzalezi, eta alderdian zer egiten duen planteatzeko eskatu dio.
Albiste izango da: Amnistia Legearen bozketa, NATOren berrarmatzea eta bero-bolada larunbatetik aurrera
Gaurkoan albiste izango direnen laburpena, bi hitzetan.