PSE-EErekin adostutakoa beteko duela agindu dio Urkulluk Mendiari
Eusko Jaurlaritzak EAJk eta PSE-EEk duela urtebete adostutako akordioa beteko duela ziurtatu dio Iñigo Urkullu lehendakariak Idoia Mendia PSE-EEko idazkari nagusiari. Urkulluren esanetan, itunak "betetzeko dira". Akordioak planteatutakoan sinesten duela gaineratu du, eta gai hau jorratzeko ardura biek izatea adostu dute.
Bestalde, PSOEk Konstituzioa erreformatzeko planteatutako proposamenarekin bat egiteko eskatu dio Idoia Mendiak lehendakariari. Erkidegoen "arazoak" konpontzeko "bide bakarra" dela adierazi du Mendiak. Gainera, buruzagi sozialistak babesa eskaini dio Eusko Jaurlaritzari, Espainiako Gobernuak EAEren eskumenak "murriztea" eragozteko.
Mendia eta Urkullu Lehendakaritzan bildu dira asteazken honetan. Ekonomia, autogobernua eta EAJk eta PSEk duela urtebete sinatutako akordioa garatzea izan dituzte hizpide bi agintariek bileran.
Estatuak erkidegoaren eskumenak "zapaltzea eragozteko" Eusko Jaurlaritzak aurkezten dituen ekimen guztiak babestuko dituztela esan dio euskal sozialisten idazkari nagusiak lehendakariari.
Estatutuaren erreforma
Gainera, sozialistak "adostasun ahalik eta handienarekin" Estatutuaren erreforma bati ekiteko prest daudela azaldu dio Mendiak Urkulluri. Horren harian, PSOEk Konstituzioa aldatzeko proposatutako erreforman parte hartzeko "gonbita" egin dio buruzagi sozialistak lehendakariari, erkidego ezberdinen "arazoak" konpontzeko "bide bakarra" delako.
Hala ere, "abertzaleen aldarrikapenei erantzuna emateko abenturatan" ez dutela parte hartuko ohartarazi du Mendiak.
Idoia Mendia PSE-EEko idazkari nagusia eta Iñigo Urkullu lehendakaria. Argazkia: EFE
Politika Orokorreko Eztabaidan, iragan ostegunean, iragarri bezala, alderdi politikoekin bilera sorta hasi du gaur lehendakariak, susperraldi ekonomikoa, aurrekontuak, lanpostuen sorrera, bakea eta elkarbizitza eta estatus politiko berria jorratzeko.
EAJ-PSE itunaren "urraketa"
Bilerak bi orduko iraupena izan du. Mendiaren ustez, EAJk eta PSEk sinatutako akordioak ez dituzte bete, eta, hori dela eta, bere kezka helarazi dio Urkulluri. Neurri horiek 2015eko Aurrekontuetan jasotzea espero du buruzagi sozialistak.
Itunaren "urraketek" lanpostuak sortzeko politikak oztopatzen dituztela kritikatu du Mendiak, eta iruzur fiskalari aurre egiteko "ausardia handiagoa" eskatu dio lehendakariari. Hala ere, Eusko Jaurlaritzari itunean jasotako akordioak betetzeko epe bat eman ote dion ez du argitu PSE-EEko agintariak.
Mendiaren hitzetan, PSE-EEk Jaurlaritzarengan duen "mesfidantza" datorren urteko aurrekontuen edukia eta itunaren garapena ikusten denean "argituko" da.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.