Urkullu: 'Gizarte laguntzen gaineko kontrola handitu behar da'
Behartsuenei laguntzeko Euskadin dagoen sistema defendatu du gaur Iñigo Urkullu lehendakariak. Eusko Legebiltzarreko gobernuaren kontrolerako saioan Diru Sarrerak Bermatzeko Errentaren auzia izan dute hizpide eta, horren harira, "gizarte laguntzen gaineko kontrola handitu" behar dela aitortu du Urkulluk, kontrola ezarrita, "justizia soziala handitzen" dela argudiatuta.
Ogasun Sailak Diru Sarrerak Bermatzeko Errenta jasotzen duten 10.000 laguni gehiegi ordaindu diela eta, galdera egin dio gaur lehendakariari Laura Garrido Alderdi Popularreko bozeramaileak.
Urkulluk gogorarazi duenez, "gehiegizko ordainketa" hauek PSEren agintaldiaren azken urtean eta EAJren lehenengoan egin ziren. Haren hitzetan, Lanbideri gertatutakoak ez du zertan iruzurraren, kontrol faltaren edo kudeatze eskasaren ondorio izan behar, "gehienetan laguntza jasotzen duten lagunen ezjakintasunari edo deskuiduari edo tramitazioaren dinamikoari zor zaie", azaldu du.
Urkulluk adierazi duenez, "Jaurlaritza eta Lanbide adi egongo gara. Kontrola areagotzeko eta egon daitezkeen gehiegikeriak gutxitzeko lanean jarraituko dugu, erakunde guztien lankidetzarekin". Dena dela, egungo sistema defendatu du lehendakariak, "hobetzeko" prest agertu bada ere, "azken 25 urteotan egin dugun bezala", erantsi du. Horren ildoan, Alderdi Popularreko hainbat buruzagi etorkinen aurka egiten ari diren "kanpaina" salatu du.
"Etorkinek ez dute abantailarik, herritar guztiak berdin tratatzen ditugu, baldintza eta betebehar berdinak ezartzen dizkiegu", agertu du Urkulluk, Javier Maroto Gasteizko alkateak marokoarren kontra esandakoak ahotan hartuta.
Lehendakaria, aurrekontuak EH Bildurekin adosteko prest
Horrez gain, Iñigo Urkullu lehendakaria prest agertu da EH Bildurekin aurrekontu "sozialagoak" adosteko, baldin eta koalizio soberanistak esparru horretan akordioak lortzeko borondatea badu.
Hala erantzun dio Urkulluk Unai Urruzuno EH Bilduko bozeramaileari, Jaurlaritzaren "murrizketa politikaren" inguruko azalpenak eskatu dizkionean.
Urruzonok kezka agertu du Jaurlaritza 2015eko Aurrekontuetan "murrizketa gehiago" egingo dituelakoan. EH Bilduk Jaurlaritzaren aurrekontuak babesteko baldintza zein den nabarmendu du Urruzunok: murrizketa gehiago ez egitea.
Lehendakariak gogoratu du joan den politika orokorreko eztabaidan adierazi zuela talde guztiekin adostasunetara heltzea ezinbestekoa dela berarentzat, erakunde publiko nagusietan aurrekontu orekatuak izateko.
Ildo horretan, EH Bildurekin aurrekontu "sozialagoak" adosteko prest dagoela esan dio lehendakariak Urruzunori.
Kontziliaziorako diru laguntzetan "atzerapenak" onartu ditu Aburtok
EH Bilduk eta Alderdi Popularrak berak galdetuta, familia eta lana uztartzeko laguntzerako dirua amaitu izana ‘"mingarria" dela aitortu du Juan Maria Aburto Enplegu eta Politika Sozialen sailburuak. Argitu duenez, Eusko Jaurlaritzak ez ditu familia kontziliatzeko laguntzak kendu, eta 2014an "errekurtso faltagatik" ordaindu gabe utzi direnak "atzerapenez" emango ditu.
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.