Errazkin: 'Biltegiak ez du ez usainik ez lixibiaturik sortuko'
Birziklatu ezin diren hondakinen biltegia Zestoan jartzea erabaki du Gipuzkoako Foru Aldundiak; dagoeneko erabiltzen ez den Osinbeltz harrobira eramango dituzte, datorren urtetik aurrera, ez konposterako ez birziklatzeko ez diren hondakinak. Hala, Zubietan egingo duten plantatik (hondakinen tratamendu biomekanikorako egingo duten planta) ateratako materia eramango dute Zestoara.
Iñaki Errazkin Ingurumen eta Lurralde Antolaketako diputatua Zestoako herritarrekin bilduko da gaur, egitasmoaren inguruko xehetasunak emateko eta zalantzak argitzeko. Euskadi Irratian eta ETBn egindako elkarrizketetan, Errazkinek esan du proiektu honen aurrean jendea kezkatuta eta urduri egotea normala dela. Horregatik, herritarrei "informazio zuzena" helaraziko dietela agindu du. "Normala da kezka izatea, urduri egotea. Herritarrei informazio zuzena emango diegu eta komunikazio zuzena irekiko dugu, beldurrak uxatzeko. Urduritasuna normala da. Datozen egunotan informazioa ematen joango gara, gardentasun osoz", zehaztu du.
Zestoako harrobia aukeratu izanaren arrazoiei buruz galdetuta, Ingurumen diputatuak erantzun du aztertutako eremuen artean "baldintza teknikoak egokien betetzen dituen" gunea dela. "Utzita dagoen harrobietatik handiena da, berreskurapen paisajistikorako beharrik handiena duena, eta, erdia baino gehiago jabetza publikokoa. Horrek, noski, kudeaketa errazten du", gaineratu du.
Biltegira eramango den materiak ez duela ez usainik ez lixibiaturik sortuko ziurtatu du; materia organiko guztia kenduko zaio hondakinari, eta, horrela, Errazkinen hitzetan, ez du ez usainik ez lixibiaturik izango. Hori hala izango dela bermatzeko, Zestoako Udalarekin hitzarmen bat sinatzea proposatu dute, eta "usainak neurtzeko kontrola" Udalaren esku uztea.
Harrobiaren "berreskurapen paisajistikorako aukera ona" dela uste du diputatuak. Euren planak betetzen badira, datorren urtean jarriko da martxan egitasmoa, eta, "orain sortzen dugun hondakin kopurua kontuan hartuta", 15-20 urte bitarteko biziraupena izango du harrobiak.
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.