EH Bilduk Aberastasunaren gaineko Zerga zabaltzea proposatu du
Josu Unanue Bizkaiko ahaldun nagusi izateko EH Bilduren hautagai nagusiak proposatu du Aberastasunaren eta Fortuna Handien gaineko Zerga EAEn eta Nafarroan ezartzea, eta, gainera, Sozietateen gaineko Zerga ere aldatzea, enpresen irabazien gaineko zerga izan dadin, “enpresa handiek eta ertainek gehiago ordaindu dezaten, etekin errealen arabera”.
Bilbon egindako ekitaldi batean, Unanuek EH Bilduren zerga erreformaren gaineko proposamena aurkeztu du. Erreformaren bidez, iruzur fiskalari aurre egiteko baliabide gehiago eskuratzea, iruzurraren kontrako langile kopurua handitu eta, orokorrean, baliabideak hobetzea; hala nola, euskal eta nafar ogasunak delitu horren kontrako borrokan elkarrekin aritzea.
Gainera, ekonomia “gardena” bultzatzearen alde egin du, kontzientziazio, zerga-hezkuntza eta iruzur fiskalaren “ospea kaltetzeko” kanpainak areagotuko ditu. Era berean, aurrekontuetan gardentasuna izatea sustatuko du.
Koalizioak egindako beste proposamenetako bat da PFEZ zergaren erreforma egitea, bi helbururekin: “Kapital errentei zerga karga nabarmen igotzea, aurreztaile handien eta errentadunen errentak lan errentekin parekatzen joateko helburuarekin” eta “Familia bidezko zerga-ordainketa sakon berraztertzea, familia-kargak dituztenen eta baliabide gutxiago dutenen mesedetan”.
Unanueren esanetan, “hau da EH Bilduren eredua: zergak modu bidezkoago eta zuzenago batean biltzea denok hobeto bizi gaitezen”. “Letra larriz” idatzitako erreforma fiskalak Europa Iparraldeko herriekin parekatzea du helburu.
“Ez da egia presio fiskal txikiak inbertsio eta produktibitate handiagoa edo enpleguaren sorrera dakarrela. Aberastasun handiei karga fiskal handia ezartzeak ekonomiaren sustapenari kalte egiten diola esateak helburu bakarra dauka: itzal eta lagunkeria politikak justifikatzea”, gaineratu du.
Zure interesekoa izan daiteke
Lehendakariaren dekalogoa energia krisiaren kontrako neurrietan jaso izana baloratu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (arantzelarioa eta energetikoa) jasan duten industria-enpresentzako neurri espezifikoak hartzea.
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.