Usansoloren segregazioari bide emango dion araua onartu du Bizkaiak
2.500 biztanle baino gehiagoko herriguneak herrietatik bereiztea ahalbideratzen duen foru-araua onartu dute gaur Bizkaiko Batzar Nagusiek, EAJren eta EH Bilduren aldeko botoekin. Horrenbestez, Usansolo Galdakaotik bereizi ahal izango da.
Legegintzaldiko azken osoko bilkura izan da asteazken honetakoa, eta Usansoloren segregazioa izan da protagonista. EH Bilduk hiru zuzenketa aurkeztu zizkion EAJren proiektuari, eta honek egindako transakzioa onartu dute bi taldeek.
Hori horrela, EH Bilduk eta Usansolo Herriak eskatutako desanexio prozesua gainbegiratzeko batzorde mistoa sortuko dute (Usansoloko hiru ordezkari izango dira bertan). Ez da, ordea, kudeaketa talderik osatuko.
Martxoaren 17ko osoko bilkuran izandako irudiaren oso bestelakoa izan da gaurkoan. Orduko hartan, EH Bilduk, PSE-EEk eta PPk foru-arau honen kontra bozkatu zuten (azken bi talde hauek jarrera berari eutsi diote gaur).
Taldeen adierazpenak
Unai Rementeria Presidentetzako diputatuaren (EAJ) arabera, gaur onartutako ekimenak "udal autonomiaren oinarria du ardatz". Udalek herri-kontsultak antolatzeko eskumena izango dute aurrerantzean, herritarrek segregazioaren inguruko iritzia eman dezaten.
Irune Soto EH Bilduko batzarkidearen ustez, "hainbesteko garrantzia duen gai bat arin batean, partxeen bidez" konpondu du EAJk. Izan ere, gaur onartutako foru-araua ez du koalizio abertzalea guztiz ase, baina haren aldeko botoa eman du azkenean, Usansoloko herritarren artean "frustrazioa ez areagotzeko".
Alderdi Popularra eta PSE-EE arauaren kontra agertu dira, eta desanexioak oso garestiak direla salatu dute, krisi ekonomiko garaian "onartezina" dela iritzita.
Usansolo Herria plataformako kideetako batzuk Batzar Nagusietan izan dira gaur, eta pozik agertu dira lortutakoarekin:
Zure interesekoa izan daiteke
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.
Ernaik kartelez bete du "El Correo" egunkariaren Bilboko egoitzako atea
Sare sozialetan bideo batean hartu dute astelehen gaueko ekintza bere gain.
Onartu dira Nafarroako 2026ko aurrekontuak, bazkideen babesarekin eta UPN, PPN eta Voxen kontrako botoekin
2026rako aurrekontuak 6.471 milioi eurokoak dira, iazkoak baino % 4,8 gehiago, eta Nafarroan inoizko aurrkontu altuenak. Azken asteotan 19,1 milioi euroko balioa duten 368 zuzenketa gehitu zaizkio Gobernuaren proposamenari, guztiak ere Gobernu-bazkideen alderdiek (PSN, Geroa Bai eta Contigo-Zurekin) eta EH Bilduk proposatutakoak.
Gogorak Txomin Letamendi EAJko militantea omendu du
Ondarroan eta Bilbon egingo dituzte omenaldiak, abenduaren 19an eta 22an, haren ohorea eta duintasunaren alde.
Eztabaida sutsua piztu da EH Bildu eta PPren artean ararteko berria aukeratzeko unean
"Jakin ezazue lehenago edo beranduago indar politiko gisa akabatuko zaituztela", ohartarazi dio De Andresek (PP) koalizio subiranistari. Otxandianok aurreratu du "neurri politikoak eta legalak" aztertuko dituztela haren aurka.
Mancisidor ararteko berria, euskaraz: "Guztion arartekoa izan nahi dut"
Mikel Mancisidor legelaria ararteko izendatu du Eusko Legebiltzarrak, EAJren, PSE-EEren eta PPren botoekin. Izendapenaren aurretik, PPk eta EH Bilduk akusazioak bota dizkiete elkarri, eta koalizioak kritikatu du Mancisidorrek ez duela "euskara maila egokia", eta zalantzan jarri du PPk hautagaitza babestu izana.
Melgosak egiturazko plan bat eskatu dio Sanchezi, populismoaren aurrean migrazioaren erronkari heltzeko
Ongizate sailburuak ohartarazi du diskurtso populistak arriskutsuak direla, are gehiago integrazioan oinarritutako estrategia komun, ordenatu bat bultzatzen ez bada.
Osakidetza hobetzeko proposamenei "oztoporik ez" jartzeko eskatu dio Pradalesek Osasun Ministerioari
Imanol Pradales lehendakariak Espainiako Gobernuko Osasun Ministerioari eskatu dio Eusko Jaurlaritza Osakidetzaren egoera hobetzeko egiten ari den proposamenak "entzuteko", eta, "gutxienez, oztoporik ez jartzeko". "Osasun Ministerioari exijitu nahi diot entzun dezala, eta egiten utz dezala", esan du.
Podemos prest dago Sumarrekin, IUrekin eta EH Bilduren aliantzak egiteko, Kongresuan hala erabakitzen badute
Gainera, Richar Vaquero Podemos Euskadiren koordinatzaile nagusiak adierazi duenez, "aurrera egingo dute" Gasteizko aurrekontuarekin, EAJrekin eta PSE-EErekin negoziatzen ari diren bitartean proposamen "interesgarriak" egiten bazaizkie.