Aldundia: 'Usansoloren arazoa Osoko Bilkuran konpon daiteke'
Usansoloko bizilagunek igandean egindako "eskakizunari" Galdakaoko Udalbatzak eman ahal dio "behin betiko irtenbidea", Unai Rementeria Bizkaiko Foru Aldundiko Lehendakaritza diputatu eta bozeramailearen ustez. Ostegunean Osoko Bilkura egingo dute Galdakaoko Udalbatza osatzen duten kideek, eta bertan akordioa lortzea espero du Rementeriak.
Gobernu bilera izan du gaur Aldundiak, eta bileraren osteko prentsaurrekoan Usansolon igandean egindako kontsultaz aritu da bozeramailea. Rementeriaren esanetan, "ondo deritzogu jendeak bere iritzia emateari eta, hortaz, oso ondo deritzogu Galdakaon ere hala egin izanari". Igandean botoa ematera joan ziren herritarrei "errespetu osoa" agertu die, horrenbestez, Bizkaiko Foru Aldundiko Lehendakaritza Saileko diputatuak.
Rementeriaren aburuz, igandean gertatutakoak "agerian utzi du arazo edo ekimen honek behin betiko irtenbide legezko bat behar duela". Izan ere, EAJko eledunaren arabera, "igandeko galdeketarekin ez da behin betiko irtenbide legezko bat lortzen".
"Udalaren esku dago"
Foru Aldundia eta EAJ akordiorako prest agertu direla azpimarratu du Rementeriak. Horren ustez, erakundeetan konpondu behar da arazoa, "kasu honetan, Galdakaoko Udalean". "Uste dut alderdi guztiak akordio batera heldu ahal direla Udaleko Osoko Bilkuran eta arazo honi behin betiko irtenbide on bat emango diotela", erantsi du.
Udalbatzak akordioa lortuko balu, erabakitakoa Bizkaiko Batzar Nagusietan eztabaidatu beharko litzateke. Han ere akordioa posible dela uste du Rementeriak.
Hain justu, Bizkaian herri gehiago egoteko aukera izan dadin Lurralde Mugapenaren foru araua aldatzeko asmoa ote duten galdetuta, erabakia "Udalaren esku" dagoela berretsi du Rementeriak. Bozeramailearen hitzetan, "alderdien arteko akordio hori aintzat hartu eta Usansoloren segregazioa zilegi den edo ez erabaki behar du Udalak".
"Hori ez du Aldundiak edo Aldundiak erabakitzen. Udalarena da erabakia, foru araua aldatzeko kontua gorabehera", erantsi du.
Zure interesekoa izan daiteke
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek euskara Nafarroako berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.