Segiko kondenatuak askatzea eskatzeko, dorre batetik eskegi dira
Gutxienez bi lagun San Migel elizako dorretik eskegi dira, Gasteizen. Bi pankarta erakutsi dituzte, Auzitegi Nazionalak Segiko kide izateagatik kondenatu dituen gazteen aldeko ereserkiekin.
Protagonistek bizarordeak daramatzate eta Zeledonez mozorrotuta daude. Kasu honetan, laranja koloreko aterkia daramate. Eskaladarako materialarekin, hamaka bat jarri dute. Horrela, bertan hainbat ordu daramatzate eta gau osoa bertan igarotzeko asmoa dutela esan diote Radio Euskadiri. Ertzaintza bi lagunak jaisten ahalegindu da, baina erretoreak ez die horretarako baimenik eman.
Goizeko 10:00ak inguruan bi pankarta handi jarri dituzte San Migel dorrearen erlojupean. Zazpi kondenatuak aske uztea eskatzen dute. Sei urteko zigorra ezarri diete. Ertzaintzak lau atxilotu ditu eta beste hiruren bila dabil. Pankarta horietan zazpi kondenatuen aurpegiak ikusten dira "7ak libre" lemapean. Gero, bertan zeudenen arreta deitu dute bengala gorriak piztuta. Orduan, San Migel dorretik behera egin dute eta bigarren pankarta bat erakutsi dute "#desobedientziaz libre" izenpean.
'Bi pertsona solidario'
EFEri egindako adierazpenetan, gazteetako batek azaldu duenez, Segiko kide izateagatik zazpi kondenatuei ezarritako kartzelaldia salatzea du helburuz.
"Bi pertsona solidario gara", esan du. Gainera, bihar Gasteizen izango den "eskubide zibil eta politikoen aldeko" martxa laranjan parte hartzeko deia egin du. Halaber, "herri-harresia indartzeko" deitu du, Ertzaintzak oraindik atxilotu ez dituen hiru kondenatuen espetxealdia saihesteko asmoz.
Bestalde, gazte horrek azaldu duenez, haiek ez dira Ertzaintza bilatzen dabil bi gazte gasteiztarrak.
Amaitzeko, gazte horrek azaldu duenez, Mikel Deunako torrea aukeratu dute, toki ikusgarria delako eta "bidegabekeria" baten gainean ohartarazi nahi dutelako.
Ertzaintzako agenteak bertaratu dira protestarekin amaitzeko eta manifestariak identifikatzeko helburuarekin.
BIDEOA: Ekimena nola gauzatu duten erakusten duen bideo bat eskegi dute youtuben.
Zure interesekoa izan daiteke
Garaikoetxearen lagun eta kolaboratzaileek goraipatu egin dituzte haren gizatasuna eta ausardia
Ondare handia utzi du Garaikoetxeak, eta bere gertuko lagun eta kolaboratzaileek askotariko mezuak zabaldu dituzte haren lana goraipatzeko. Esaterako, Pedro Luis Uriartek, harekin Ekonomia sailburu izan zenak, azpimarratu du zulo beltzean zegoen herria berpizteko ausardia izan zuela, eta euskaldunok “oso eskertuta” egon beharko genukeela.
Eusko Jaurlaritzak hiru dolu-egun ezarri ditu
Dolu-aldia astelehen honetan hasi da eta asteazkenean amaituko da. Gorpua bihar, asteartea, Iruñeko beilatoki batean egongo da, eta asteazkenean Ajuria Enean jarriko dute hil-kapera.
Garaikoetxea "garai zailetan ezina ekinez gainditu" zuen liderra izan zela nabarmendu du Pradalesek
Mezu batean, lehendakariak eskerrak eman dizkio bere herriari onena emateagatik: "Eskerrik asko maite zenuen herriaren eta askatasunaren alde onena emateagatik. Ez dizugu hutsik egingo".
Euskal politikariek eta gizarteak Carlos Garaikoetxeari esker ona adierazi diote
Frankismoaren ondorengo lehen lehendakaria euskal gizarteak maite eta miretsi zuen pertsona izan zen. Sareak esker on eta omenaldi mezuz bete dira albistea zabaldu bezain pronto.
Garaikoetxea, euskal autogobernuaren oinarriak ezarri zituen lehendakaria
Trantsizioan ezinbesteko papera izan zuen politikaria, bere ardura nagusietako bat izan zen euskal erakundeen egitura marraztu eta eraikitzea. EAJrekin izandako desadostasunek eraman zuten Eusko Alkartasuna sortzera.
Abalos ez dator bat UCOk leporatzen dizkion "justifikatu gabeko" 94.000 euroekin: "Ez didate ezer aurkituko"
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Carlos Garaikoetxea hil da, frankismoaren ondorengo lehen lehendakaria
Politikari nafarra, Eusko Alkartasunaren sortzailea, 87 urterekin zendu da bihotzeko baten ondorioz. Iruñean hil da gaur, maiatzaren 4an.
Borja Semper PPren batzorde nazionalera itzuli da, minbizia gainditu ondoren
Semper politikaren lehen lerrora itzuli da, hamar hilabeteko etenaldiaren ostean.
Ekain Rico (PSE): "EAJk ke-pantailak sortu ditu; bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" eta "gehiegizko antzezpenaz" hitz egin du jeltzaleen jarrera kritikatzeko orduan.
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.