Guillermo Zapatak dimisioa eman du txioek eragindako polemikagatik
Guillermo Zapata Madrilgo Udaleko Kultura zinegotziak dimisioa aurkeztu du, orain dela lau urte plazaratutako txioek eragindako polemikaren ondorioz. Mezuotan umore beltza egin zuen Holokaustoari eta beste hainbat indarkeria motatako biktimei buruz.
"Barkamena eskatu nahi diet orain dela urte batzuk Twitterren argitaratutako txisteengatik irainduta sentitu direnei", esan du prentsaurrekoan. Zapatak agerraldia egin du azken egunotan gertatutakoaren eta hartutako erabakiaren inguruan azalpenak emateko.
Oposizioak eta zenbait elkartek bi egunez presioa areagotu eta gero, Zapatak dimititzeko asmoa agertu dio alkate berriari.
Alabaina, Kulturaren buru izateari utziko badio ere, ez du zinegotzi akta utziko, eta egokitu zaizkion arlotan lanean egongo da.
Gainera, azaldu du ez diola inork alde egitea eskatu eta bere erabakia "prozesu kolektibo" baten ondorio dela, alkatearen hitz egin eta gero.
Polemika piztu duten txioak 2011an idatzi zituen Zapatak, hots, duela lau urte, Kultura zinegotziak politikan barrena egin baino lehen. Orduan, gidoilaria, zinemagilea eta idazlea zen.
Adibidez, txio batean, honakoa idatzi zuen: "Nola sartuko zenituzke 5 milioi judu 600 auto batean? Hautsontzi batean". Beste hainbat mezutan antzeko txisteak egin zituen Irene Villa ETAko biktimaren edo Marta del Castilloren kontura. Horregatik, PPk, PSOEk eta Ciudadanosek horren dimisioa eskatu dute.
Zapatak berak hainbat hedabidetan azaldu duenez, txio horiek umore beltzaren mugei buruzko eztabaida baten baitan idatzi zituen, El Pais egunkariak Nacho Vigalondo zinemagilea kaleratu eta gero.
gero.
Zure interesekoa izan daiteke
Eusko Legebiltzarrak lan eskaintza publikoetan euskararen babesa indartzeko erreforma onartu du, EH Bilduren abstentzioarekin
Euskal Enplegu Publikoaren Legearen aldaketak, EAJk bultzatua, hizkuntza eskakizunen segurtasun juridikoa indartu nahi du. Testua aurrera atera da EAJren babesarekin eta EH Bilduren abstentzioarekin, eta PSEk, Eusko Jaurlaritzako EAJren bazkideak, kontrako botoa eman du.
Polizia gehiegikerien legea erreformatzeko eskatu du Egiari Zor elkarteak, biktima bakar bat ere "baztertuta" gera ez dadin
Epez kanpo izapidetzeagatik ezetsi zituzten 500 onarpen-eskaera helarazi dizkio fundazioak Eusko Jaurlaritzari.
Hitz gogorrak izan dituzte Feijook eta Patxi Lopezek Kongresuan
PPko buruak PSOEren bozeramailearen aita aipatu du oholtzan, eta hark erantzun dio alderdiaren sortzailea "torturatu eta erbesteratu zuen diktadurako gobernuaren" parte zela.
Begoña Gomezek pasaportea eman du epaitegian, epaileak eskatuta
Epaileak kautelazko neurri gisa kendu dio, bere aurkako ahozko epaiketa ireki baitu, lau delitu posiblerengatik, negozioetako ustelkeria barne.
EAJk eta EH Bilduk akordioa lortu dute enplegu publikoaren legearen erreforma aurrera ateratzeko
EH Bilduk abstentzioa emango du bihar, osteguna, Legebiltzarrean. Modu horretara, EAJk bultzatutako legearen aldaketa onartzea ahalbidetuko du. Horrez gainera, hiru urteko epean, legearen aplikazioari eta eraginkortasunari jarraipen bateratua egitea ere adostu dute bi taldeek.
Feijook hauteskundeak deitzeko eskatu dio beste behin Sanchezi: "Zu zara ustelen arteko lotura politikoa"
Euren agerraldietan, EH Bildu eta EAJ kritiko agertu dira Espainiako Gobernuarekin, eta legealdiari zentzua emateko eskatu diote Pedro Sanchez presidenteari.
Sanchezen esanetan, ustelak ezin dira zigorgabe geratu, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan Gobernuko eta alderdiko zenbait kideri eragiten dieten praktika ustelen berri, eta jakin izan balu, ez lituzkeela onartuko.
Moncloak azpimarratu du batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.