Epaileak absolbitu egin du Santiago Cervera, xantaiaren auzian
Epaileak absolbitu egin du Santiago Cervera PPko diputatu ohia, Jose Antonio Asiain Nafarroako Kutxako presidente ohiari ustez egindako xantaiaren auzian, gaur Nafarroako Justizia Auzitegiak jakitera eman duenez.
Nafarroako Kutxaren inguruan informazio bat ez argitaratzearen truke Asiaini 25.000 euro eskatu zizkiolakoan epaitu dute Cervera.
Cervera 2012ko abenduko kasu bategatik epaitu dute. Asiainek mezu elektroniko bat jaso zuela salatu zuen; bertan, 25.000 euro emateko eskatzen zitzaion, hala egin ezean, abokatu bezala CANi diru kopuru handia fakturatzen ari zitzaiola publiko egiteko mehatxupean. Haren semeak etekina ateratzen zuela ere bazioen.
Diputatu ohia Guardia Zibilak atxilotu zuen, mezu hori jaso eta egun batera, diru hori Iruñeko harresi zaharreko zirrikitu batean hartzen ari zenean, antza.
Atxilotu zutenean, Cerverak uko egin zion diputatu aktari, eta "tranpa bat" jarri ziotela esan du beti; azaroaren 29an beste mezu elektroniko bat jaso ostean, Nafarroako Kutxari buruzko informazio konfidentziala eskaini ziotela, eta, atxilotu zutenean, hura jasotzera zihoala esan du. Informazio hori harresian jaso behar zuen gutunean izango zuela esan zioten, Cerveraren esanetan.
Epaileak autoan azaldu duenez, ez da proba nahikorik aurkeztu mehatxuen delitua frogatzeko. Izan ere, ez da frogatu Asiaini mehatxu egiteko bidali zioten mezu elektronikoa Cerverak bidali zuenik.
Guardia Zibilak Cerveraren ordenagailu eta gailu elektronikoak aztertu zituen, baina ezin izan zuen frogatutzat eman ordenagailu horretan zeuden programetako batetik igorri zuenik mezua. Nondik bidali zuten ere ezin izan dute egiaztatu; izan ere, zerbitzaria Hong Kongen dago, eta herrialde horretako legediak ez du informazio hori emateko beharrik ezartzen.
Hortaz, mezu elektronikoak nondik bidali ziren ikertu ondoren, emaitzarik ez dutela lortu azpimarratu du epaileak. Nork eta nondik bidali zituen argitzea “oinarrizkoa” da, epailearen ustez, akusazioa egin ahal izateko.
Adituen frogak erabakigarriak ez direla ere adierazi du epaileak autoan.
Absoluzioaren berri jaso eta berehala, txio bat argitaratu du Cerverak Twitterren:
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.