Cabieces ez zela Kutxabankentzat aritu frogatu nahi du akusazioak
Cabieces auzian herri akusazio gisa jarduten duten LAB, ESK, Steilas, EHNE eta Hiru sindikatuek eta pentsiodunen eta kontsumitzaileen elkarteek Espainiako Gobernuak EAEn zuen ordezkari ohiak Kutxabankentzat egin behar zituen lanak ez zituela egin frogatu nahi dute. Hori horrela, lekuko gehiago galdekatzea eskatuko diote auziaren ardura duen epaileari, gaur iragarri dutenez.
Kutxabankek Mikel Cabieces PSE-EEko buruzagiari egindako ustezko ordainketa irregularrak ikertzen ari da EAEko Auzitegi Nagusiko 4. zenbakiko epaitegia. Auzian, Mario Fernandez Kutxabankeko presidente ohia, Cabieces bera eta Rafael Alcorta abokatua daude inputatuta, dokumentuak faltsutzea eta administrazio desleiala egitea egotzita. Hiru urtean, 243.000 euro ordaindu zizkion Kutxabankek Cabiecesi.
Sindikatu eta elkarteotako ordezkariak elkarretaratzea egin dute ostiral honetan Bilboko epaitegietan. Joseba Barrena Kutxabankeko zuzendari orokorrak eta Maria Victoria Mendia Auditoria eta Betetze Batzordearen presidenteak lekuko gisa deklaratu behar zuten gaur. Galdeketokin, Kutxabankek Cabiecesi egindako ordainketen berri bazuela eta "ez zuela ezer egin" frogatu nahi du herri akusazioak.
Elkarretaratzean agertu dutenez, lekuko gehiagok deklaratzeko eskaera egin dute, besteak beste, Rafael Alcortaren bulegoko bi langilek eta Cajasur kutxako abokatuak (Kutxabankek bere egin zuen finantza erakunde hau).
Herri akusazioaren ustez, Cabiecesek hilean kobratzen zituen 5.000 euroak ez ziren Kutxabankentzat egindako lanengatik. Horretarako, euren hitzetan, Alcortaren abokatu bulegoa erabili zuten ordainketak "zuritzeko".
"Rafael Alcortaren bulegoan ez zen lan-karga handitu, eta beraz, Cabiecesen kontratazioa ez dago justifikatuta. Gure sindikatuetan aholkularitza juridiko hori astebetean egiten dute", nabarmendu dute.
Sindikatu eta elkarteon ustez, honek guztiak agerian uzten du "ate birakariak" daudela politikari batzuen mesedetan, eta Kutxabank "pribatizatzeak" lagundu egin duela horretan.
Zure interesekoa izan daiteke
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.