Fernandez Diazek esan du Guardiolak diruagatik jokatu zuela selekzioan
Jorge Fernandez Diaz Espainiako gobernuko Barne ministroak gogor kritikatu du Pep Guardiola Bartzelona futbol taldeko jokalari eta entrenatzaile izandakoa irailaren 27ko hauteskundeetara zerrenda independentistan aurkeztuko izana. Espainiako futbol selekzioan diruagatik bakarrik jokatzea egotzi dio.
Fernandez Diazen hitzetan, edonork du politikan aritzeko eskubidea, baina Guardiolaren kasua tristea eta negargarria iruditzen zaio; ministroarentzat ez da egokia Bayern Municheko entrenatzailea izan eta, aldi berean, politikan aritzea.
COPE irrati-katean egin dioten elkarrizketan, itxurakeriatan aritzea egotzi dio Guardiolari ministroak. Espainiako futbol selekzioan aberriagatik jokatu beharrean diruagatik jokatu zuela esan du Fernandez Diazek. «Aurpegitik maskara kentzen dutenean, garbi ikusten da: pertsona horientzat jainko bakarra dirua da», gaineratu du.
Katalunian irailaren 27an egingo diren hauteskundeetarako CDCk eta ERCk adostu duten zerrenda bateratuan azken lekuan joango da Pep Guardiola. Entrenatzaileak garbi utzi du Bayern Munich taldean jarraitu nahi duela lanean, eta ez duela diputatu izateko asmorik.
Nafarroako egoera, 'kezkagarria'
Bestalde, Barne ministroak adierazi du "kezkagarria" dela Nafarroak, gaur egun, bizi duen egoera, Uxue Barkos Geroa Baiko hautagaia presidente izendatu ondoren. Fernandez Diazen hitzetan, "EH Bildurekin lotura zuzena duen pertsona bat jarri dute Barne kontseilari modura".
Atzoko bozketan PSN abstenitu izana ere kritikatu du. "Pedro Sanchezek komeni zaionean Espainiako bandera handi bat jartzen du parean, baina gero, akordioak itxi behar direnean, ez du inolako arazorik independentistekin eta ezkerreko muturrekoekin itunak lotzeko", esan du.
"Foruzaingoa, orain, Bilduren agindupean dago eta horrek eskenatokia erabat aldatzen du", ohartarazi du.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.