Pablo Iglesias Podemosen presidentegai izango da, babes zabalarekin
Podemosen primarioetan Pablo Iglesiasek lortu du Espainiako Gobernuko presidentegai izateko babes handiena, % 93,89ko babes zabala lortu baitu, eta bere taldekideak izango dira Diputatuen Kongresurako hauteskunde orokorretarako zerrendako lehenengo postuetan.
"Pablo Iglesias Taldea" osatzen zuten 65 pertsonek eskuratu dituzte primarioetako boto gehien, nahiz eta beste bederatzi zerrenda ere aurkeztu dituzten. Azkenean, Podemosen izena emanda dauden 380.548 pertsonatik 59.723k soilik eman du botoa, % 15,69k.
Pablo Echenique Podemosen Hauteskunde Batzordeko presidente eta alderdiaren Aragoiko idazkari nagusiak eman du primarioetako emaitzen berri. Echeniquek garrantzia kendu nahi izan dio parte-hartze txikiari, eta primarioetako araudiarekin egon den polemikarekin zerikusia izan dezakeela ukatu du. Izan ere, kritikak jaso ditu barne-hauteskundeetarako araudiak, Kongresurako barruti bakarra ezartzen zuelako, eta zerrenda oso bat hautatzeko aukera ematen zuelako.
"Emaitza oso ona da, 59.000 pertsonak ez du bozkatzen hemen inongo prozesutan", adierazi du Echeniquek, eta bere alderdiaren sistema "alde handiarekin" dela "demokratikoena" azpimarratu du, PSOEren "primariorik gabeko primarioen" eta PPko "hatzen" aurrean.
Zerrenda
Iglesiasen atzetik, Iñigo Errejon Podemosen bigarrena joango da, bigarren bozkatuena izan baita. Gero Carolina Bescansa Analisi idazkaria, Irene Montero arlo koordinatzailea, Rafael Mayoral Gizarte Zibilarekiko Harremanen burua, Sergio Pascual Antolakuntza idazkaria eta Luis Alegre Madrilgo idazkari nagusi eta herritarren batasunerako arduraduna, besteak beste.
Ondoren daude zerrendan Pablo Bustunduy, Angela Ballester eta Auxiliadora Honorato, alderdiko zuzendaritzako kideak denak, eta David Bravo informatika eskubide eta jabetza intelektualeko abokatu aditua ere.
Independente sorta bat ere badago zerrendan, tartean Tania Sanchez IUren hautagai ohia, Jose Manuel Gomez Benitez Botere Judizialaren Kontseilu Nagusiko kide ohia eta Juan Antonio Delgado Guardia Zibilen Elkarte Bateratuaren bozeramaile izandakoa.
Gainera, hautagaitzan sartu dira Diego Cañamero Andaluziako Langileen Sindikatuko bozeramaile nazionala, Jose Manuel Sanchez Gordillo Marinaledako alkatea, eta Benito Zambrano zine zuzendaria, "Utopia eta Duintasuna" izeneko zerrenda alternatiboan zihoana. Hala, horiek izan dira Pablo Iglesiasen zerrendako kideen atzetik boto gehien lortu dituztenak.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.