Pablo Iglesias, 'guztiekin guztiaz eztabaidatzeko' prest
Pablo Iglesias Podemoseko idazkari nagusiak Kataluniaren erabakitzeko eskubidearekin duen konpromisoa berretsi du, eta prozesu eratzailea irekitzea proposatu du "guztiekin guztiaz eztabaidatzeko". Hala eta guztiz ere, ohartarazi du ez diela inoiz besarkadarik emango ez Mariano Rajoyri, ezta Artur Masi ere.
Bartzelonako Vall d'Hebron pabilioian hitzaldia eman du eta nabarmendu du ez dela Kataluniako hiriburura joan (lehendabiziko bisita zuen) "botoen edo mesedeen truke, inori ezer agintzera", ez baita fidatzen hori egiten duten politikariez.
"Hori bai, niri ez didazue ikusiko Rajoyri edo Masi besarkada bat ematen", azpimarratu du Iglesiasek; izan ere, David Fernandez CUPeko buruak besarkada eman zion Artur Masi azaroaren 9ko prozesu parte-hartzailean.
Mitinean, Kataluniaren erabakitzeko eskubidearekin duen konpromisoa berretsi du: "bai, noski". Bestalde, definitzeko eskatzen diotenei erantzunez, Podemosen proposamena prozesu eratzaile bat irekitzea dela adierazi du, "guztiekin guztiaz eztabaidatzeko".
"Ez dut Katalunia joaterik nahi, baina badakit Espainiako kastak katalanak iraindu dituela", adierazi du. Gainera, "Espainia herrialdeen Estatua, nazioen Estatua" dela ahanztea egotzi die politikari espainiarrei.
Iglesiasen esanetan, Podemosen helburua ez da harresiak altxatzea, zubiak eraikitzea baizik. Are gehiago, azpimarratu du ez zaiola axola bakoitzak eskumuturrean daraman bandera, "kontu korronteak" baizik.
"Dirua Suitzara edo Andorrara eramaten dutenak herriaren traidoreak dira, izan Jordi Pujol ala Rodrigo Rato. Ez dute dirua beste aberririk", azaldu du.
Ia 2.500 lagun baino gehiago gelditu dira kanpoan
Ia 2.500 lagun baino gehiago gelditu dira Pablo Iglesiasen mitina zuzenean jarraitu ezinda; izan ere, lekua leporaino bete da.
3.000 lagunentzako edukiera zuen pabilioiak, baina ekitaldia hasterako, beteta zegoen.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.