Banku publikoa sortzea proposatu du Podemosek
Juan Torres eta Vicenç Navarro ekonomialariek Podemos alderdiarentzat sortutako txostenak banku publiko bat edo batzuk sortzea eta behin-behineko kontratazioen pizgarri guztiak kentzea proposatu du.
Aipatu bi ekonomialariek 60 orri eta hainbat proposamen biltzen dituen txosten bat sortu dute, Proiektu ekonomiko bat herritarrentzat izenarekin, eta Podemosek oinarri hartuko du hauteskunde programa egiteko.
Kreditua sustatzeko xedez, banku publikoak edo kreditu kooperatibak sortzea proposatu dute.
Bi ekonomialariek premiazkotzat jo dute "egitura sozialetako" gastu publikoa areagotzea, enplegua sortzeko, eta, horren ildotik, soldatak eta pentsioak handitzearen eta lan-astea 35 ordura murriztearen alde egin dute.
"Eskandalua da banku pribatuak erreskatatu izana eta, hala ere, Espainian krediturik ez egotea", salatu du Navarrok. Hori dela eta, banku publikoen alde agertu da.
Horren haritik, Kreditu Institutu Ofiziala (ICO) herritarrentzako kreditu agentzia izan behar dela nabarmendu dute, kreditua jaso ahal izatea eskubide bihurtu nahi baitute.
Aldi baterako kontratazioak eta zorra
Ekonomialarien txostenak aldi baterako kontratazioen pizgarriak kentzearen alde egiten du, eta murrizketak beharrezkoak ez diren gastuetan egiteko deia egin du.
Ekonomia sustatzeko, herritarren diru-sarrerak handitu behar direla azaldu dute, eta, horrenbestez, soldatak igotzearen alde agertu dira.
Zor publikoari dagokionez, hura berregituratu edo kita bat "adostea" proposatu dute.
Torresen arabera, Podemosek aliatuak bilatu eta presio egin dezake Europako erakundeetan, zorra "urka bat" ez izateko.
Oinarrizko errentaren ordez, diru-sarrerak bermatzeko errenta bat
Podemosek atzera egin du herritar guztientzako oinarrizko errentaren alorrean, eta, horren ordez, errenta txikienei eta langabeei laguntzeko errenta baten alde egin du. Hain justu, EAEn indarrean dagoen Diru Sarrerak Bermatzeko Errenta jarri dute adibide gisa.
Emakumeak lan munduan barneratzeko neurriak ere proposatu dituzte, tartean haurreskolak eratzea, familia eta lanbidea bateragarri egiteko.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.