Podemos, Nafarroako lehen indar politikoa
Nafarroako Parlamentuak hauteskundeen inguruan eskatutako inkestak aldaketa historikoa aurreikusi du 2015. urteko maiatzeko foru hauteskundeetarako, Podemos lehen indar politiko jo baitu. EH Bildu bigarren izango litzateke, eta UPN amildu egingo litzateke, eserlekuen erdiak baino gehiago galduko bailituzke.
Hain zuzen ere, Pablo Iglesiasen alderdiak 50 eserlekuetako 18 lortuko lituzke. Bigarren postuan EH Bildu egongo litzateke, 11 diputaturekin (egun, Bilduk 7 ditu, eta Aralar-NaBaik, 6), eta ondoren honakoak izango lirateke: UPN, 8rekin (11 gutxiago); PSN, 5ekin (4 gutxiago); Geroa Bai, 4rekin (2 gehiago); Izquierda-Ezkerra, 2rekin (1 gutxiago); PP, 1ekin (3 gutxiago), eta UPyD, 1ekin.
Hori horrela, Podemosek eta EH Bilduk gehiengo osoa batuko lukete, baina gehiengo hori askoz zabalagoa izango litzateke horiei ezkerreko gainerako alderdiak gaineratuta.
Bestalde, UPNk eta PSNk (azken legegintzaldietan Nafarroako Gobernua babestu duen aliantza) 13 diputatu baino ez lituzkete izango.
UPNren jaitsiera ulertzeko gakoa inkestaren beste galde-erantzun batzuetan dago. Izan ere, Nola baloratuko zenuke Nafarroako Gobernuaren jarduna? galdetuta, herritarren % 66k "txarto" edo "oso txarto" erantzun dute, eta % 27k "hala-hola". % 6k baino ez dute uste "ondo" egin duela. Eta, are adierazgarriago, galdetutako inork ez du uste kudeaketa "oso ona" izan dela.
Era berean, Yolanda Barcina Nafarroako Gobernuko presidentearen balorazioa erdira jaitsi da. Herritarrek 4,5eko nota eman zioten duela urtebete, eta 2,0koa, aurten.
Dena dela, buruzagi politiko bakar batek ere ez du azterketa gainditu, ezta hurbildu ere. Politikari baloratuena Uxue Barkos (Geroa Bai) da, 3,9ko nota lortu baitu. Ondoren hauek daude: Bakartxo Ruiz Bilduko parlamentaria (3,4); Patxi Zabaleta Aralarko koordinatzaile nagusia (3,3), Jorge Miguel Nuin I-Eko bozeramailea (3,2), Maria Chivite PSN idazkari nagusia (2,4) eta Ana Beltran PPNko eleduna (1,5).
EAEren eta Nafarroaren balizko bat-egiteari buruz ere galdetu dute inkestan: % 55 aurka agertu da, eta % 31, alde. Iaz, % 64 zeuden aurka, eta % 25, alde.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.