Katalunia, inoizko hauteskunde kanpaina garrantzitsuenaren atarian
Egun seinalatuan hasi da dena. Kataluniaren egunean, Diadan, abiatu da herri horren historian inoiz izan den hauteskunde kanpaina garrantzitsuena. Dena dute jokoan Artur Mas presidenteak eta independentziaren aldeko alderdi eta mugimenduek. Hala, plebiszitu kutsua izango du irailaren 27ko hitzorduak.
Ostiral honetan, 00:00etan, hasi da kanpaina, eta Kataluniako presidenteak hordagoa bota du, gehiengoak subiranotasunaren alde egin ezean, prozesua amaitu egingo dela esanez.
Kanpainako ekitaldiek ANCk laugarren urtez egun seinalatu horretarako antolatzen duen mobilizazioarekin bat egingo dute.
Inkesten arabera, independentziaren aldeko zerrenda bateratuak, Junts pel Sik, irabaziko ditu hauteskundeak, baina argitzeko dago gehiengo osoa lortuko duen, 18 hilabeteko epean independentzia aldarrikatzeko bidean traba handiegirik ez izateko.
CUP, giltzarri
ERCk eta CDCk babestutako hautagaitzak gehiengo osoa lortuko ez balu, CUP gakoa izan liteke, baina Antonio Bañosek ez du argitu Masen inbestidura babestuko duen. Hortaz, egonkortasun parlamentarioa lehen egunetik bertatik egon liteke kolokan.
Egoera asko gaiztotuko litzateke, oposizian dauden gainerako indarrek oso zail izango luketelako proiektu alternatibo bat bideratzea (proposamen zeharo ezberdinak dituzte denek).
Hautagaiak, 'hasiberriak'
Hitzorduaren garrantziaz jabetuta, tamainako apustua egin du Masek: ERCrekin koalizioan, eta independente askoren laguntzarekin, zerrenda horren buru izateari uko egin dio (laugarren joango da), eta Raul Romeva ICVko europarlamentari ohiari utzi dio toki hori.
Junts pel Sí hautagaitzaren lehen bost hautagaiak. Argazkia: EFE
Kataluniako hauteskunde autonomiko batzuetan lehen aldiz, ez da 2012ko hitzorduan lehiatu zen hautagairik izango.
PSCk Miquel Iceta buruzagiaren aldeko apustua egin du. Sozialistak Konstituzioaren erreforma izango du proposamen nagusi.
PPk ere aurpegi "berria" izango du lehiarako. Alicia Sanchez Camacho barik, Xavier Garcia Albiol Badalonako alkate ohia aukeratu du.
Albert Rivera Espainiako hauteskundeetarako Ciutadans alderdiaren hautagai izango denez, Ines Arrimadas diputatua izango da zerrendaburua.
ICV-EUiA eta Podemos, berriz, Catalunya Sí que es Pot markapean lehiatuko dira, eta Lluis Rabellen karisma bultzatzen jarriko dituzte indarrak.
CUPek kapitalismoaren kontrako aldarriari helduko dio Antonio Bañosen zuzendaritzapean. UDCk, bestalde, Ramon Espadaler izango du hautagai.
Estatuko buruzagiak ere Katalunian
Kataluniako politikariak ez ezik, Estatuko aurpegi ezagunak ere izango dira kanpainan. Rajoy presidenteak eta Gobernuko hainbat ministrok hartuko dute parte PPren ekitaldietan. Pedro Sanchez buruzagi sozialista eta Pablo Iglesias Podemoseko burua ere hainbatetan ikusi ahalko ditugu egunotan Katalunian.
Zure interesekoa izan daiteke
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.