EAJ: 'Katalunian gertatzen denak Estatu espainiar osoari eragingo dio'
Joseba Egibar EAJko Gipuzkoa Buru Batzarreko (GBB) presidentearen esanetan, "nabarmena" da Katalunian gertatzen denak Estatu espainiar osoari eragingo diola. Halaber, azpimarratu du Kataluniako prozesua posible izan dela aspaldidanik alderdi politiko guztiek "bide politikoak eta demokratikoak" erabili dituztelako.
Radio Euskadiko "Parlamento en las ondas" saioan Eusko Legebiltzarrean ordezkaritza duten alderdietako kideek atzoko Diada edo Kataluniaren eguna eta irailaren 27ko Kataluniako hauteskundeak izan dituzte hizpide.
Egibarren esanetan, Katalunian gertatzen denak Espainiari ez ezik Euskadiri ere eragingo dio. Are gehiago, buruzagi jeltzaleak uste du erreferendum bat egitea debekatzen denean ez dagoela izaera plebiszitarioa izango duten hauteskundeak deitu beste erremediorik.
Ordezkari jeltzalearen hitzetan, Kataluniako prozesua posible izan da azkeneko hamarkadatan bertako alderdi politiko guztiek "bide politiko eta demokratikoak" erabili dituztelako eta "gizarte mobilizazioaren eta erakundeen arteko bat egitea gertatu delako".
Oskar Matute EH Bilduko legebiltzarkideak azpimarratu du mugimenduan dagoen herri baten "iraultza lasai" baten eszenaratzea izan zela atzoko mobilizazioa.
Matutek uste du ez dela nahikoa Katalunian gertatzen dena begiratzea eta "jarrera konprometitua" izatea aldarrikatu du. "Etorkizunean Euskadin izan ditzakegun zailtasunak orain Kataluniak erabakitzeko izan ditzakeen berdinak dira", adierazi du. "Erabakitzeko garaia da eta Euskal Herrian zutik jarri behar dugu, horrela katalanei alituak bilatzen lagunduko diegulako", gaineratu du.
Bestalde, Jose Antonio Pastor PSE-EEk Eusko Legebiltzarrean duen bozeramaileak aitortu du atzoko manifestazioa Kataluniako nazionalisten "indar erakustaldia" izan zela, baina gogoratu du ospatzen den laugarren Diada jendetsua dela. Dena den, Pastorrek onartu du Katalunian arazo politiko bat dagoela eta elkarrizketaren bidea saihestezina izango dela.
'Popularren' izenean Carmelo Barrio legebiltzarkideak adierazi du Kataluniako egoerak Euskadiri eragingo diola eta horrek EAJren eta EH Bilduren arteko harremanetan zer eragin duen ikusi beharko dela.
Azkenik, Gorka Maneiro UPyDko legebiltzarkidearen iritziz, "irudi oso tristea" izan zen atzokoa; izan ere, "tristea da muga berriak eraikitzea eskatzeko elkartu diren milaka pertsona ikustea".
Zure interesekoa izan daiteke
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.