Fernandez: 'Sufrimendu bat gogoratzea ez da militantzia bat omentzea'
Jonan Fernandez Eusko Jaurlaritzako Bake eta Bizikidetza idazkariaren ustez, ez dira gauza bera "biktima baten sufrimendu bidegabea gogoratzea" eta "[biktima horren] militantzia bortitza omentzea".
Uztailaren 25ean Otxandion Luzia Urigoitia ETAko kideari egin zioten omenaldia dela eta egin ditu adierazpenok Fernandezek.
Izan ere, ETAko kidea polizia operazio batean hil zen, 1987an, eta biktima gisa agertzen da giza eskubideen urraketei buruz Jaurlaritzak egindako ikerketa batean. Hala ere, aipatutako omenaldian parte hartu zuten lau pertsona atxilotu egin zituzten atzo, terrorismoa goratzea egotzita.
Horren ildotik, Otxandioko Udalak babesa eskatu dio Gasteizko Gobernuari, biktimei omenaldiak egiteak izan ditzakeen ondorioen "beldur" baita.
Hori horrela, Urigoitiaren kasuak "ikerketa sakonagoa" behar duela gogorarazi du Fernandezek, Europa Press agentziak egindako elkarrizketa batean. "Zuzenbide Estatuak ez du beti Zuzenbide Estatu baten modura jokatu, eta hori ere memoriaren parte da", nabarmendu du.
Atzoko atxiloketei dagokienez, tankera honetako kasuetan neurri hori hartzearekin "ados" ez dagoela adierazi du Fernandezek, "kostu sozial eta pertsonal txikiagoa duten beste hainbat neurri egoki" badaudelako.
Bestalde, Bake eta Bizikidetza idazkariak aurreratu du Jaurlaritzak "babestu" egingo dituela memoriaren aldeko ekitaldi guztiak.
Zure interesekoa izan daiteke
San Sebastian egunean ETAko bi preso ohiri egindako "ongietorria" salatu du Covitek
Terrorismoaren biktimen elkartearen arabera, 2022tik izan den lehen ongietorri publikoa da.
Sanchezek nabarmendu du "pentsioak bai ala bai igoko" direla, "PPren babesarekin edo babesik gabe"
Exekutiboak gaur arratsaldean ekingo die berriro talde parlamentarioekin elkarrizketei, Kongresuak 'omnibus dekretua' bertan behera utzi eta egun batzuetara.
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.