Estrasburgo, Filipe Bidarti adierazpen askatasuna mugatzearen alde
Estrasburgoko Giza Eskubideen Auzitegiak arrazoia eman dio gaur Frantziako Justiziari Filipe Bidart Iparretarrak taldeko kide eta preso ohiaren auzian. 19 urtez preso egon ondoren, baldintzapean aske geratu zen Bidart 2007an eta, beste hainbat kautelazko neurriren artean, terrorismo delituen inguruan adierazpen publikoak egiteko debekua ezarri zion epaitegiak.
Adierazpen askatasuna urratua zuela ulertuta, Estrasburgora jo zuen preso ohi baigorriarrak 2011n, eta orain etorri da Giza Eskubideen Auzitegiaren erantzuna. Honen arabera, Frantziako Justiziak "ez zuen gehiegizko neurri" bat hartu debeku hura ezartzean, eta hortaz, Bidarti eskatutako babesa ukatu dio.
Filipe Bidart Iparretarrak taldeko burutzat jo zuten Frantziako epaitegiek, eta 19 urteko kartzela zigorra ezarri zioten hiru atentatutan parte hartzeagatik. 2007an geratu zen aske, baldintzapean. Honako badaezpadako neurriak ezarri zizkion epaitegiak (2014ra arte indarrean egon dira): armak eramateko debekua, enplegu eta bizileku aldaketak jakinarazteko, atzerrira joateko baimen judiziala eskatzeko eta biktimei kalte-ordainak ordaintzeko funtsari zegozkion transferentziak egiteko betebeharra.
2007ko abenduan, Agen herriko polizia-etxearen aurrean egindako manifestazio batean parte hartu zuen Bidartek. Horren harira, Parisko Instantzia Handiko Auzitegiak terrorismoaren delituekin lotutako adierazpen edo idatzi publikorik ez egiteko debekua ezarri zion.
Lau urte geroago, eta debeku honek bere adierazpen askatasuna asko mugatzen zuela ulertuta, Estrasburgoko Auzitegian babesa eskatu zuen Bidartek.
Gaur ezagutu den epaiak, ordea, babes hori ukatu dio preso ohiari, ezarritako debekua gehiegizkoa izan ez zela nabarmenduta. Izan ere, Auzitegiaren arabera, Bidartek "bazuen euskal auziaren inguruan hitz egiterik, terrorismo delituekin lotutako adierazpenak egiten ez bazituen bederen".
Estrasburgoko Auzitegiaren irudiko, delitu jakin batzuengatik zigortutako lagunen adierazpen askatasuna denbora batez mugatzea badago, delitu horiei lotutako gaien inguruan bada.
Zure interesekoa izan daiteke
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua, Jean-Rene Etchegaray orain arteko auzapeza kargutik kentzea. Arratsaldeko 17:00etan egingo duten agerraldian emango dituzte akordioaren xehetasunak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.