Gobernuak 'eraso instituzionala' egin die katalanei, Masen hitzetan
Gogor, aurreko agerraldietan baino gogorrago, aritu da gaur Artur Mas Kataluniako Gobernuaren jarduneko presidentea Espainiako exekutiboaren aurka. Hitz potoloak erabili ditu Generalitateko jauregian egindako prentsaurrekoan: "aparteko beligerantzia" edota "eraso instituzionala". Biak Cristobal Montoro Espainiako Ogasun ministroak iragarritako kontrol finantzariorako neurrien inguruan hitz egiteko erabili ditu.
Kataluniari Autonomia Erkidegoen Likidezia Funtseko dirua eskuratzeko kontrol zorrotzagoak ezarriko zizkiola iragarri zuen joan den astean Montoro ministroak. Aurrez, Estatuko Kontu-Hartzailetza Nagusiak, Estatistika Institutu Nagusiak eta Espainiako Bankuak ikerketa abiatu zuten Kataluniak justifikatu gabeko 1.300 milioi euroko fakturak omen dituelako. Eurostat Europako Estatistika Bulegoak atzeman zuen "zuloa", aurrekontuak aletzean.
Gogor egin du gaur Masek Montororen aurka, eta "suarekin jolastea" egotzi dio. Harago ere joan da: "erre egingo da", ohartarazi du.
Espainiako Gobernuak Kataluniar guztiak "zigortzen eta erasotzen" dituela esan du Masek. "Aparteko beligenrantzia" deitu dio Estatuaren jarrerari. "Demokratiko eta modu baketsuan erabaki politiko batzuk defendatzen ari diren herritarrak zigortzen ari da Espainiako Gobernua", esan du.
"Gezurra"
Katalunian abian jarritako prozesu soberanistaren aurka egiteko Estatuaren "indarra" erabiltzea egotzi dio Masek Espainiako Gobernuari, eta hori "erakunde baten kontrako erasoa" dela adierazi du.
Azken egunotan zabaldutako hainbat informazio gezurtatu ditu Masek. Besteak beste, Generalitateak 1.300 milioi euro ez dituela "inoiz" ezkutatu ziurtatu du. Espainiako Gobernuak diru horren berri 2009tik bazuela nabarmendu du, eta, orain, Rajoyren Exekutiboak informazio hori Katalunia "zigortzeko" zabaldu duela gaineratu du.
Ildo beretik, Cristobal Montoro Ogasun ministroaren jarrera gogor kritikatu du. Espainiako Gobernuak finantziazioan gabeziak dituela eta egunen batean EBn arazoak izan ditzakeela ohartarazi dio Montorori Generalitateko jarduneko presidenteak.
Helegiteak eta subiranotasunari babesa
Espainiaren "erasoen" aurrean, Generalitateak emango dituen pausoen berri eman du Masek: alde batetik, Likidezia Funtsaren inguruan Estatuak hartutako erabakiari helegitea jarriko dio Kataluniako Gobernuak. Bestalde, subiranotasunaren oinarria "zabaltzeko" aukerak aztertuko dituzte, Estatu Katalana sortzeko bidean.
Abenduaren 20ko Hauteskunde Orokorren ondoren gobernu aldaketa egonez gero, Masek Madrili eta Bruselari "elkarrizketa eta negoziazioa" eskainiko dizkiola esan du, betiere, exekutibo berriak Kataluniaren aurkako "erasoari" eusten ez badio.
badio.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.