Gasen murrizketa 'garapenerako aukera' izan daiteke, Urkulluren ustez
Berotegi efektuko gasen isurketa murriztea ''garapenerako aukera'' izan daitekeela defendatu du astelehen honetan Parisen Iñigo Urkulluk, murrizketa horrek ez baitu talka egiten ekonomiaren garapenarekin, lehendakariaren hitzetan.
Urkulluk azaldu duenez, urtean 88 milioi euro inbertituko ditu Jaurlaritzak Aldaketa-Klimatikoaren Estrategiaren baitan, eta horrek 57 milioi euroko jarduera ekonomikoa eta 1.030 lanpostu sortuko ditu.
Lehendakaria Parisen izango da gaur eta bihar, klima-aldaketaren inguruko goi-bileran parte hartzeko. Hain zuzen ere, ''klima aldaketaren ondorioak arintzeko'' Euskadik hartutako konpromisoak aurkeztu ditu bertan.Urkullurekin batera Parisen izango dira egunotan Ana Oregi Jaurlaritzako Ingurumen sailburua, eta Marian Elorza Kanpo gaietarako idazkari nagusia, besteak beste.
'The Climate Group'
Gaurkoan, 'The Climate Group' nazioarteko erakundearen izenean ere egin du agerraldia, eta asanblada ireki du, Pariseko udaletxean. Herrialdeak, erregioak eta estatu federalak biltzen ditu erakunde horrek, eta Urkullu presidenteetako bat da, Europan.
Pariseko agerraldian 'Compact of States and Regions' akordioaren nondik norakoen berri eman du lehendakariak, eta bertan esan du hiru 'gigatona' murriztu nahi dituztela isurketak 2020rako (Alemaniak, Erresuma Batuak eta Japoniakoak egun isurtzen dutena).
The Climate Group-ek bultzatutako ekimena da "The Compact of States and Regions", eta bertan 44 herrialdetako gobernuek hartzen dute parte.
Jaurlaritzak azaldu duenez, Pariseko goi-bilerak lehen aldiz sartu dituela agendan erakunde ''estatu-azpiko'', ingurumenaren esparruan tokiko erakundeen kudeaketa aztertzeko. Jaurlaritzak espero du Parisen akordioa lortzea, ''gizarteari aukera emango diona emisio maila txikiko ekonomia definitzeko''.
Jaurlaritzaren konpromisoak
Joan den astearteko gobernu bileran klima-aldaketaren inguruko adierazpen instituzionala onartu zuen Jaurlaritzak. Bertan biltzen denez, ''urgentziazkoa da berotegi efektua eragiten duten gasen isurketa gutxitzeko ahaleginak egitea''. Horren harian, Jaurlaritzak konpromisoa hartu du 2030erako % 40 murrizteko gas horiek, eta % 80 2050erako.
Albiste gehiago politika
Arazoei aurre egin beharrean errua beti besteei botatzea leporatu dio Feijook Espainiako Gobernuari
Alberto Nuñez Feijoo buruzagi popularrak Pedro Sanchezen Gobernuaren aurka egin du berriro ere, PPk Galizian egin duen ikasturte politikoaren hasiera ekitaldian. Espainiako Gobernuak suteen aurrean izan duen papera kritikatu du Feijook eta Estatu ituna egiteko aukera ukatu du.
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.