Barkosek aldaketa 'barea' gauzatzen ari direla goraipatu du
Uxue Barkos Nafarroako Gobernuaren presidenteak Gabonetako mezuan esan du Gobernuaren "irmotasunari eta egonkortasunari" esker aldaketa "eraginkorra, barea eta iraunkorra" dela.
Nafarroako Gobernuaren presidenteak uste du maiatzaren hauteskundeen ostean "anitza eta herritar guztiei zabaldutako" Gobernuaren eredu berri bat ezarri dela. Horren harira, Nafarroako gizarteari eskerrak eman dizkio "Gobernu aldaketa normaltasun osoz hartzeagatik".
Uxue Barkosek estatuko politikaren gaurkotasunaz ere aritu da eta, testuinguru horretan, Nafarroa jarri du eredu modura; izan ere, Nafarroan, lau alderdi "programa-akordio bat negoziatzeko eta adosteko gai izan dira eta, hari esker, politika sozialagoak, integratzaileagoak garatu ditzakegu, finean nafar guztiei bizi-kalitate handiagoa ematea bilatzen dutenak".
Aurrerago, presidenteak Gobernuak bost hilabete hauetan egindako lanaz hitz egin du, eta egindako zerga-erreforma nabarmendu du, "erreforma horrek progresibitatean eta berdintasunean aurrera egiten" lagundu duelakoan. Gainera, aurrekontuen proiektua ere azpimarratu du, "hiru urtetan kontu publikorik izan ez ondoren".
2016rako erronkak
Datorren urterako aurreikusitako erronken eta proiektuei dagokienez, Nafarroako Gobernuaren presidenteak "suspertze ekonomikoa" azpimarratu du, ikerketa eta kalitatezko enpleguarekin batera.
Autogobernuaren babes "irmoa" da presidenteak 2016rako duen beste erronketako bat; urte horretan hitzarmen ekonomikoa eguneratu behar baita. "Gero eta autogobernu handiago, orduan eta oparotasun eta ongizate handiagoa izango dugun uste osoarekin; baina horrek erantzukizun handiagoa ere eskatzen du", gaineratu du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.