Beitialarrangoitia: 'Erabaki politikoa dago atzean'
"Erabaki politikoa" ikusten du Marian Beitialarrangoitia EH Bilduko diputatuak Kongresuko Mahaiak atzo hartutako erabakiaren atzean; EH Bilduk, Izquierda Unida- Unidad Popularrek eta ERCk elkarrekin talde parlamentarioa osatzeko eskaria atzera bota zuen Kongresuko Mahaiak, Ciudadanosen eta PPren botoekin.
Radio Euskadin egin dioten elkarrizketan, Beitialarrangoitiak ziurtatu du euren eskariak "Kongresuaren araudiaren eskakizun guztiak" betetzen zituela, eta, ondorioz, mahaiaren erabakia "iruzurra" dela esan du.
Erabakia errekurrituko duten galdetuta, gaia "aztertzen" ari direla, eta, oraindik, erabakirik ez dutela hartu erantzun du. Dena dela, helegitea jarrita ere, aurrera egiteko zailtasunak izango dituela garbi du diputatuak, "kontuan izanda, erabakia, berriro, PPren eta Ciudadanosen esku dagoela". "Tarte txikia dugu", esan du.
'Mahai antidemokratikoa'
Kongresuko Mahaiaren egungo osaketa "antidemokratikoa" dela nabarmendu du EH Bilduko ordezkariak. Atzoko erabakiaren helburua, horren iritzian, ezker abertzaleko koalizioaren "ahotsa isilaraztea" da, baina ez dutela lortuko adierazi du. "Ez dute lortuko gure ahotsa isilaraztea", zehaztu du.
PPk eta Ciudadanosek gehiengoa izatea salagarria dela esan du, "gehiengo hori ez zietelako herritarren botoek eman". BeitialarrangoiTiaren hitzetan, bi alderdi horiek Mahaian gehiengoa izatearen "arduradun nagusia PSOE da". "PPri Kongresuko presidentetza kentzeari lehentasuna eman zioten, gainerako guztiaren aurretik", esan du.
Legealdi honetan "denetik gutxiago" izango dutela aitortu du. Besteak beste, diru gutxiago jasoko du EH Bilduk, eta horren inguruan, hitzez hitz, esan du diruaren kudeaketa gai garrantzitsua dela koalizioarentzat, baina ez "osagai nuklearra". "Kontuan hartu beharreko osagai bat da, ez zaio garrantzia kendu behar, baina ez da osagai bakarra, ez eta EH Bilduk Madrildik egingo duen politika baldintzatuko duena", esan du.
Orain, Mahaiaren erabakiaren ondotik, ERCk bere talde propioa osatzeko eskaria "normala eta ulergarria" dela iritzi dio, "nahiko luketen formula hori ez izan arren". Beitialarrangoitiaren arabera, "ez litzateke ulergarria izango ERCk talderik ez izatea, bederatzi ordezkari izanda".
ari izanda". ari izanda".Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.