Prozesu independentista 'anitza' bultzatu nahi du ezker abertzaleak
Ezker abertzaleak 'Abian' hausnarketa prozesuaren baitan egindako eztabaida dokumentuaren ideia nagusia da "prozesu independentista eraldatzaile aldebakarrekoa" bultzatu beharra dagoela.
Halaber, estrategia politikoa moldatzeko deia egin du, mugimendu "anitza eta zabala" sortzeko, gehiengoak lortzeko gauza izango litzatekeena. Horrek, gainera, "zuzendaritza kolektiboa" izan beharko luke, alderdi politikoen gainetik.
Igor Arroyo (LAB) eta Marije Fullaondo (Sortu) Abian prozesuko bozeramaileek prentsaurrekoa eskaini dute Donostian, eztabaida dokumentua aurkezteko.
Testua 50 orrikoa da, eta horren helburua da "Zutik Euskal Herria ebazpenak ekarri zuen estrategia aldaketan seigarren martxa sartzea".
Ezker abertzaleak nahi du "herritar gehienen interesek eta nahiek independentziarekin lotura izatea", hori lortzea "gehienen desioa" izan dadin.
"Erronka da mugimendu independentista zabala, anitza, irmoa eta eragingarria sortzea, independentismoaren hegemonia ideologikoa azkeneraino eramateko gai izango dena", gaineratu du. Izan ere, hori da "modu bakarra estatuen itxikieria baldintzatzeko edo desaktibatzeko bide bakarra".
Ezker abertzaleak "prozesu independentista eraldatzailea" deitu dio proiektu politiko berriari, historikoki "eraikuntza nazionala" deitutakoa gaurkotuta.
Estrategia berrian, gizartearen eta ekonomiaren eraldaketa eta bizikidetza kontuak (presoak, biktimak, desarmea…) paraleloki gauzatu nahi dituzte.
'Abian' dokumentuan presoen gaia ere garatu dute, eta horiek "etxeratzeko" prozesua "banakako" bide legalak ezarriz erraztuko dela aipatu dute, Rufi Etxeberria Sortuko buruzagiak urtarrilaren 12an esan zuen bezala.
Biktimei dagokienez, ezker abertzaleak nabarmendu du denek "eskubide berdinak" izan behar dituztela: "aintzatespena, kalte-ordainak eta gertatutakoa ez errepikatzeko bermeak". Era berean, giza eskubideen urraketa guztien datu base bat sortzea eta egiaren batzorde bat sortzea proposatu du.
Ezker abertzaleak salatu du Estatuak "indarkeria erabiltzen" jarraitzen duela, eta ez duela "keinurik" egin "eragindako mina aitortzeko". Gainera, ezker abertzaleak argi utzi du ez diola muzin egingo bere iraganari.
Ezker abertzaleko militantean otsailaren 27an hasiko dira dokumentua eztabaidatzen.
Zure interesekoa izan daiteke
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-kontseilariek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatzen du, greba-batzordearen eta Ministerioaren arteko elkarrizketa errazteko eta greba desblokeatzeko
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.