Podemosek bertan behera utzi ditu PSOErekin abiatutako negoziazioak
Iñigo Errejon Podemoseko bozeramaileak ohartarazi du PSOEk eta Ciudadanosek sinatutako akordioa ez dela eurekin bateragarria, eta zapuztu egin dituela aldaketa gobernua osatzeko aukerak. Horregatik, bertan behera utzi ditu sozialistekin abiatutako negoziazioak, eta aurreratu du ez direla joango gaur egitekoa zuten bilerara.
Errejonek eta Podemosen talde negoziatzaileak prentsaurrekoa egin dute gaur Kongresuan, PSOEk eta Ciudadanosek akordioa sinatu ostean.
Agerraldi horretan, deitoratu egin dute PSOEk "PPren babesaren zain geratzea" hautatu izana, Podemosekin akordioa bilatzea baino gehiago.
Horren ildotik, Errejon "etsita" agertu da, eta aipatutako akordioa ez dela "ez progresista, ez erreformista" iritzi dio. "Ibex 35eko enpresaburuak eta pribilegioak dituzten sektoreak pozik egongo dira akordio horrekin", gaineratu du.
Alderdi morearen esanetan, PSOEk eta Ciudadanosek lortutako akordioak PPren politikak aldatzea baino gehiago, horietan sakondu egingo ditu.
Errejonek gogorarazi du une honetan Sanchezek presidente izateko duen bide bakarra PPk horren inbestidura erraztea dela. Horregatik, hurrengo asteko inbestidura saioak "porrot" egingo duela aurreratu du.
Hori horrela, martxoaren 5etik aurrera PSOErekin negoziatzen jarraitzeko prest agertu da.
Bestalde, Pablo Iglesias Podemoseko idazkari nagusiak esan du PPk "lortu" egin duela berriz ere protagonista izatea PSOE-Ciudadanos akordioari esker.
Horren ustez, PSOE "makurtu" egin da Ciudadanosen aurrean, adostutakoa "PPren politiken jarraipena" baita.
Izan ere, Iglesiasek argudiatu du akordioan jasota dagoena "PPrentzat onargarriak" direla, eta Riverak aitortu duela Rajoyren alderdia erakarri nahi duela.
Garzon "kortesiagatik" bilduko da PSOErekin
Podemosen jarreraren berri izan eta gero, Alberto Garzon IUko bozeramaileak baieztatu du joan egingo dela gaur arratsaldean egitekoa den eta hasieran 'laukoa' zen bilerara, baina PSOEri esateko Ciudadanosekin hitzartutakoa ez dela "bateragarria" alderdi ezkertiarrekin abiatutako negoziazioekin eta "atzerapausoak" dakartzala.
Garzonek aitortu egin du ez duela zentzurik lauko bilerak mantentzeak Podemosek parte hartzen ez badu, baina gaur "kortesiagatik" joango dela esan du.
IUko bozeramailearen esanetan, "une historikoak eskatzen duen mailan egoteko, erresistentzia gobernua osatzen saiatu beharra dago, eta, horretarako dagoen bide bakarra, PSOEk ezkerrera biratzea da, eta ez eskuinera".
"Badirudi PSOEk erabaki duela klase popularrekin bat ez egitea", deitoratu du Garzonek.
tu du Garzonek.Zure interesekoa izan daiteke
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.